વડોદરાઃ 17 વર્ષના છોકરાને 15 વર્ષની છોકરી સાથે થયો પ્રેમ, જાણો કેવો આવ્યો ભયંકર અંજામ ?

આ બનાવમાં યુવક ગત વર્ષે ધોરણ 10ની પરીક્ષામાં નાપાસ થયો હતો જ્યારે છોકરી ધોરણ 10માં અભ્યાસ કરી રહી છે. ગામમાં ચર્ચા છે કે બંને વચ્ચે પ્રેમ હતો. ગુરૂવારે છોકરી શાળાએ છૂટી ઘરે જઈ રહી હતી ત્યારે યુવકે તેને રસ્તામાં ઉભી રાખી અને બંને ગામના અવાવરૂ સ્થળ પર ગયા હતા. યુવક પોતાની સાથે ખેતરમાં છાંટવાની ઝેરી દવા સાથે લાવ્યો હતો. યુવક-યુવતી બંનેએ ઝેરી દવા પી લીધી હતી.

છોકરીએ દવા પી લેવાના મામલે પરિવારજનોએ છોકરા પર આક્ષેપ લગાવ્યા છે. પરિવારે કહ્યું યુવક એક તરફી પ્રેમમાં હતો અને યુવતીને બળજબરીથી ઝેરી દવા પીવડાવી છે. યુવતી હાલ હોસ્પિટલમાં બેભાન છે ભાનમાં આવશે ત્યારે સમગ્ર મામલે સત્ય હકિકત સામે આવશે.