અમદાવાદઃ DEO કચેરીએ તાળાબંધી કરે તે પહેલા હાર્દિક-અલ્પેશની અટકાયત, જુઓ વીડિયો

અમદાવાદઃ આજે હાર્દિક પટેલ અને ધારાસભ્ય અલ્પેશ ઠાકોરે શહેરની ઉદગમ સ્કૂલ સામે RTE હેઠળ બાળકોને પ્રવેશ ન આપતાં મોરચો માંડ્યો હતો. પ્રવેશ વંચિત વાલીઓ સાથે તેઓ ઉદગમ સ્કૂલ પહોંચ્યા હતા અને આ અંગે વિરોધ નોંધાવ્યો હતો. જોકે, અંતે સ્કૂલ સંચાલકો ઝૂક્યા હતા અને પ્રવેશ આપવા ખાતરી આપી હતી. આ પછી તેઓ અમદાવાદ ડીઇઓ કચેરીએ પહોંચ્યા હતા અને તાળાબંધીની ચિમકી ઉચ્ચારી હતી. જોકે, કોઈ અનિચ્છનીય ઘટના ન બને તે માટે પોલીસે તેમની અટકાયત કરી હતી.