સરખેજ-મકરબા ખાતે આવેલા સિગ્નચેર-1ના સાતમાં માળે લાગી આગ, મહિલા ઘાયલ, જુઓ વીડિયો

અમદાવાદઃ શહેરના સરખેજ મકરબા ખાતે આવેલી સિગ્નેચર-1 નામની બિલ્ડિંગના સાતમાં માળે આગ લાગતાં અફરા-તફરી મચી ગઈ હતી. આ બિલ્ડિંગ દસ માળની છે. અત્યારે આગ છેલ્લા માળ સુધી પહોંચી ગઈ છે. આગને કારણે 25થી 30 લોકો ફસાયા છે. જ્યારે એક મહિલાને આગમાં મચેલી અફરા-તફરીમાં ઇજા પહોંચી હોવાનું જાણવા મળ્યું છે.

પ્રાથમિક માહિતી પ્રમાણે આગ શોર્ટ સર્કિટને કારણે લાગી હોવાનું જાણવા મળ્યું છે. અત્યારે છ ફાયર ફાયટર ઘટના સ્થળે છે અને આગ પર કાબૂ મેળવવાનો પ્રયાસ કરી રહ્યા છે. અત્યારે બિલ્ડિંગમાં ફસાયેલા લોકોને બહાર કાઢવામાં આવી રહ્યા છે. ઘાયલ મહિલાને 108 મારફત સારવાર માટે ખસેડવામાં આવ્યા છે. અન્ય બે 108 ઘટનાસ્થળે ઉપસ્થિત છે.