Hun To Bolish : હું તો બોલીશ : ભેળસેળિયા મસાલા

મસાલાના હબ ગણાતા ઊંઝા તાલુકા દાસજ ગામેથી લોકોના સ્વાસ્થ્ય સાથે ગંભીર ચેડાં કરતું એક મોટું કૌભાંડ મહેસાણા S.O.Gએ ખુલ્લું પાડ્યું છે. ઊંઝાના દાસજ ગામની સીમમાં ધમધમતી એક ફેક્ટરીમાં પોલીસે દરોડા પાડીને નકલી જીરું બનાવવાનું આખું નેટવર્ક ઝડપી પાડ્યું છે. અહીં માત્ર નકલી જીરું જ નહોતું બનતું, પરંતુ લોકોના જીવ સાથે રમત રમાઈ રહી હતી. જેમાં નકલી જીરુ ત્યાર કરવામાં આવતું હતુ.  સફેદ પાઉડર, લીલો કલર અને અન્ય એક પાવડર સાથે ગોળની રસી ભેગી કરી આ જીરૂ ત્યાર કરવામાં આવતું હતું. એબીપી અસ્મિતાની ટીમ જ્યારે આ નકલી જીરુ અને અસલી જીરું ચેક કરવા જીરુંમાં પાણી નાખ્યું તો ફર્ક આખે વળગે તે રીતે જોવા મળ્યો 

પોલીસે ઘટનાસ્થળેથી રૂપિયા 6.76 લાખથી વધુનો મુદ્દામાલ જપ્ત કર્યો છે. આ ભેળસેળયુક્ત અને ઝેરી કૌભાંડ આચરનાર મુખ્ય આરોપી પટેલ રાજેશકુમાર પરશોત્તમભાઇ વિરૂદ્ધ પોલીસે કાયદેસરનો ગુનો નોંધી તેની અટકાયત કરી લીધી છે. આ મામલે વધુ ઊંડાણપૂર્વકની તપાસ માટે આરોપી અને તમામ મુદ્દામાલને ઊંઝા પોલીસ સ્ટેશનમાં સોંપવામાં આવ્યો છે. ચોંકાવનારી વાત એ છે કે આ નકલી જીરું બનાવવા માટે કેવા કેવા જોખમી પાવડર અને કેમિકલનો ઉપયોગ થતો હતો, જે સીધું માણસના લીવર અને કિડનીને નુકસાન પહોંચાડી શકે છે.