Bhavnagar: ડાન્સરની કમર પકડીને ભાજપના ભૂતપૂર્વ નેતાએ લગાવ્યા ઠુમકા, વીડિયો થયો વાયરલ

મહુવામાં અપક્ષ ચૂંટણી લડતા એક ઉમેદવારનો મહિલા સાથે ડાંસનો કથિત વીડિયો વાયરલ થયો છે. મહુવા વૉર્ડ નં 6માંથી અપક્ષ દાવેદારી કરનારા અશોક વાઢેરનો આ કથિત વીડિયો વાયરલ થયો છે. જોકે વીડિયો વાયરલ થવા અંગે ઉમેદવાર અશોક વાઢેરે સ્પષ્ટતા કરી કે આ વીડિયો પોતાનો નથી. મને બદનામ કરવાના પ્રયાસો કરવામાં આવી રહ્યા છે. આટલુ જ નહીં શહેર ભાજપ પ્રમુખ સામે વીડિયો વાયરલ કર્યાનો આરોપ લગાવી પોલીસમાં અરજી કરી છે.  અશોક વાઢેરે કહ્યું કે ભાજપથી નારાજ થઈ અપક્ષ દાવેદારી કરતા બદનામ કરવા વીડિયો વાયરલ કરાયો. તો આ અંગે એબીપી અસ્મિતાએ શહેર ભાજપ પ્રમુખનો સંપર્ક કરતા તેને આ વીડિયો મને મળ્યો હતો અને સાચો લાગતા મે અન્ય ગ્રુપમાં ફોરવર્ડ કર્યાનો દાવો કર્યો. જોકે આ વાયરલ વીડિયો કોનો છે તે અંગે અજાણતા દર્શાવી. ABP અસ્મિતા પણ આ વાયરલ વીડિયો અંગે કોઈ જ સ્પષ્ટતા કરતું નથી.