UCC In Gujarat : હવે ગુજરાતમાં લાગુ થશે UCC! | સરકારની મોટી જાહેરાત
UCC In Gujarat : હવે ગુજરાતમાં લાગુ થશે UCC! | સરકારની મોટી જાહેરાત
UCC મુદ્દે ગુજરાત સરકારે કમિટીની રચના કરી છે. . આ કમિટી 45 દિવસમાં રાજ્ય સરકારને રિપોર્ટ સોંપશે. યુનિફોર્મ સિવિલ કોડ (યુસીસી) મામલે ગુજરાત સરકારે કમિટીની રચના કરી હતી. ઉત્તરાખંડ બાદ ગુજરાતમાં પણ યુસીસી લાગુ કરવાની તૈયારીઓ કરવામાં આવી રહી છે. પત્રકાર પરિષદને સંબોધતા મુખ્યપ્રધાન ભૂપેન્દ્ર પટેલે કહ્યું હતું કે નાગરિકોને સમાન હક મળે એ માટે UCC લાગુ કરાશે.
તેમણે કહ્યું હતું કે રાજ્યના તમામ નાગરિકોને સમાન અધિકાર આપવાનો સંકલ્પ છે. ગુજરાતમાં કોમન સિવિલ કોડની આવશ્યક્તા તપાસવી જરુરી છે. સુપ્રીમ કોર્ટના નિવૃત ન્યાયાધીશ રંજના દેસાઈની અધ્યક્ષતામાં કમિટી બનાવવામાં આવી છે. નિવૃત વરિષ્ઠ IAS સી.એલ.મીના, એડવોકેટ અને સામાજિક આગેવાનનો સમાવેશ કરવામાં આવ્યો છે. સામાજિક કાર્યકર ગીતાબેન શ્રોફનો કમિટીમાં સમાવેશ કરાયો છે. આ કમિટી 45 દિવસમાં રાજ્ય સરકારને રિપોર્ટ સોંપશે. રિપોર્ટ બાદ રાજ્ય સરકાર UCC લાગુ કરવા અંગે નિર્ણય કરશે.
તમને જણાવી દઈએ કે ગુજરાત સરકારે 2022 માં UCC ને લાગુ કરવાનો પોતાનો ઈરાદો જાહેર કર્યો છે. 2023 માં, કાયદા પંચે આ વિષય પર ફરીથી ચર્ચા કરવાનું શરૂ કર્યું. તેણે અમલીકરણ અંગે વિવિધ હિતધારકો પાસેથી નવા ઇનપુટ્સ માંગ્યા હતા. એક વરિષ્ઠ અધિકારીના જણાવ્યા અનુસાર, ગુજરાત સરકારે રાજ્યમાં સમાન નાગરિક સંહિતા લાગુ કરવાનો પોતાનો ઈરાદો પહેલેથી જ જાહેર કરી દીધો હતો.
ટોપ સ્ટોરી
ટ્રેન્ડિંગ સમાચાર
