Gujarat Rain Forecast : રાજ્ય પર 3 વરસાદી સિસ્ટમ સક્રિય, સાત દિવસ ધોધમાર વરસાદની આગાહી

રાજ્યમાં એક સાથે ત્રણ ત્રણ વરસાદી સિસ્ટમ સક્રિય.. સાત દિવસ રાજ્યભરમાં વરસાદની હવામાન વિભાગે વ્યક્ત કરી છે આગાહી.. હવામાન વિભાગ મુજબ આગામી સાત દિવસ રાજ્યના અલગ અલગ જિલ્લામાં ક્યાંક ભારે, તો ક્યાંક હળવો વરસાદ વરસી શકે છે. ભારે વરસાદની આગાહી વચ્ચે માછીમારોને દરિયો ન ખેડવા માટે સૂચના આપવામાં આવી છે. આજે રાજ્યના 100થી વધુ તાલુકામાં વરસાદ નોંધાયો. જેમાં સૌથી વધુ દ્વારકામાં પોણા પાંચ ઈંચ, કપરાડા અને ધરમપુરમાં સાડા ત્રણ ઈંચ વરસાદ ખાબક્યો. કલ્યાણપુર, વ્યારા, આહવા,સોનગઢમાં ત્રણ ઈંચથી વધુ વરસાદ ખાબક્યો.. હવામાન વિભાગે આજે 10 જિલ્લા અને બે સંઘ પ્રદેશ દમણ અને દાદરાનગર હવેલીમાં વરસાદનું ઓરેન્જ એલર્ટ જાહેર કર્યું છે.. જ્યારે 16 જિલ્લામાં વરસાદનું યલો એલર્ટ જાહેર કરવામાં આવ્યું છે.. આવતીકાલે અમરેલી, ભાવનગર, નવસારી, વલસાડની સાથે દમણ અને દાદરાનગર હવેલીમાં વરસાદનું ઓરેન્જ એલર્ટ જાહેર કરવામાં આવ્યું છે.. જ્યારે રાજકોટ, બોટાદ, ગીર સોમનાથ, દીવ, આણંદ, ભરૂચ, સુરત, તાપી, ડાંગમાં વરસાદનું યલો એલર્ટ જાહેર કરવામાં આવ્યું છે.