Palanpur Accident : પાલનપુરમાં એક સાથે 9 વાહનો વચ્ચે અકસ્માત, એકનું ઘટનાસ્થળે જ મોત

Palanpur Accident : પાલનપુરમાં એક સાથે 9 વાહનો વચ્ચે અકસ્માત, એકનું ઘટનાસ્થળે જ મોત

બનાસકાંઠાના પાલનપુરમાં સવારે થયો ગમખ્વાર અકસ્માત. બાલારામ બ્રિજ પર એક સાથે નવ વાહનો વચ્ચે થઈ ટક્કર. પહેલા ટ્રેલર અને ટ્રક વચ્ચે અકસ્માત થયો. જે બાદ પાછળથી આવતા વાહનો પણ ધડાકાભેર અથડાયા. અકસ્માતમાં એક વ્યક્તિનું ઘટનાસ્થળે જ મોત થયું છે. જ્યારે કેટલાક લોકોને ઈજા પહોંચચા 108 એમ્બ્યુલન્સમાં સારવાર માટે હોસ્પિટલ ખસેડવામાં આવ્યા. અકસ્માતને પગલે લાંબો ટ્રાફિક જામ સર્જાયો. ઘટનાની જાણ થતા જ પોલીસની ટીમ પણ સ્થળ પર દોડી આવી અને ટ્રાફિક ખુ્લ્લો કરવાની કામગીરી શરૂ કરી.


રાજકોટમાં રફતારના કહેરે લીધો વધુ એકનો ભોગ. ઘંટેશ્વર નજીક ટ્રક ચાલકે એક્ટિવાને ટક્કર મારતા ધોરણ 11માં અભ્ચાસ કરતા મિલન નામના વિદ્યાર્થીનું મોત થયું. મૃતક વિદ્યાર્થી મોરી ક્રિસ્ટલ સ્કૂલમાં અભ્યાસ કરતો હતો. સ્કૂલથી પરત ફરતા સમયે આ ઘટના બની. અકસ્માતમાં મિલનને ગંભીર ઈજા પહોંચતા સારવાર માટે હોસ્પિટલ ખસેડાયો હતો. જ્યા સારવાર દરમિયાન તેનું મોત નિપજ્યું. હાલમાં પોલીસે ટ્રક ડ્રાઈવર વિરુદ્ધ ગુનો નોંધી તપાસ શરૂ કરી છે.