Gujarat Rain Forecast: આકરી ગરમી બાદ આવતીકાલથી રાજ્યમાં વરસાદની આગાહી

પંજાબથી પશ્ચિમ પાકિસ્તાન અને ઉત્તર-પૂર્વ અરબી સમુદ્ર સુધી સર્જાયેલા ટ્રફ અને વેસ્ટર્ન ડિસ્ટર્બન્સની અસરને લીધે રાજ્યમાં કાલથી પ્રિ-મોનસૂન એક્ટિવિટીનો વરસશે ધોધમાર વરસાદ.. હવામાન વિભાગ મુજબ આજનો એક દિવસ રાજ્યનું વાતાવરણ સુકુ રહેશે.. કાલથી 4 જૂન સુધી રાજ્યના અલગ અલગ જિલ્લામાં વરસાદ વરસવાની આગાહી કરવામાં આવી છે. કાલે સૌરાષ્ટ્રના ગીર સોમનાથની સાથે ઉત્તર ગુજરાતના બનાસકાંઠા, મહેસાણા, સાબરકાંઠા અને અરવલ્લી જિલ્લામાં ગાજવીજ સાથે વરસાદ વરસી શકે છે.. જ્યારે મધ્ય ગુજરાતના મહીસાગર, પંચમહાલ, દાહોદ અને છોટા ઉદેપુર જિલ્લા અને સંઘ પ્રદેશ દીવ, દમણ અને દાદરાનગર હવેલીના છુટાછવાયા સ્થળોએ હળવાથી મધ્યમ વરસાદની આગાહી કરવામાં આવી.. 31 મેના રોજ ગીર સોમનાથની સાથે બનાસકાંઠા, સાબરકાંઠા, મહેસાણા,અરવલ્લીના કેટલાક ભાગોમાં પ્રિ-મોનસૂનનો વરસાદ વરસી શકે છે.. તો મધ્ય ગુજરાતના મહીસાગર, ખેડા, પંચમહાલ, દાહોદ, આણંદ, વડોદરા અને છોટા ઉદેપુરમાં વરસાદની આગાહી કરાઈ.. તો દક્ષિણ ગુજરાતના નર્મદા, તાપી, ડાંગની સાથે સંઘ પ્રદેશ દીવ, દમણ અને દાદરાનગર હવેલીમાં વરસાદની આગાહી કરાઈ. આ સિવાય 1 જૂને 27 જિલ્લા અને ત્રણ સંઘ પ્રદેશ, તો 2, 3 અને 4 જૂને રાજ્યના મોટાભાગના જિલ્લામાં ગાજવીજ સાથે હળવા વરસાદની હવામાન વિભાગે આગાહી વ્યક્ત કરી છે..  વરસાદની સાથે રાજ્યમાં 40 કિલોમીટર પ્રતિ કલાકની ઝડપે પવન ફુંકાઈ શકે છે.. હવામાન વિભાગ મુજબ નેઋત્યનું ચોમાસુ સાનુકુળ સ્થિતિમાં આગળ વધી રહ્યું છે..