Aravalli News | બાયડના રમોસમાંથી પકડાયેલા બાંગ્લાદેશી યુવક અંગે મોટો ઘટસ્ફોટ

અરવલ્લી જિલ્લાના બાયડના રમાસમાંથી પકડાયેલા બાંગ્લાદેશી યુવકને લઇને હવે મોટો ઘટસ્ફોટ થયો છે. છેલ્લા એક અઠવાડિયાથી રમાસ ગામમાં રહેતા બાંગ્લાદેશી યુવકને પોલીસની એસઓજી ટીમે પકડી પાડ્યો હતો, જોકે, હવે તેને લઇને મોટી માહિતી સામે આવી છે. બાંગ્લાદેશી યુવક રમાસની મુસ્લિમ યુવતી સાથે લગ્ન પણ કરી લીધા છે અને દુબઇથી ભારતમાં આવ્યો હોવાનું ખુલ્યુ છે. 

અરવલ્લી જિલ્લાના બાયડમાંથી પકડાયેલા બાંગ્લાદેશી યુવકને લઇને મોટો ઘટસ્ફોટ થયો છે. હવે આ મામલે પુછપરછ કરવા માટે દિલ્હીથી કેન્દ્રીય ગુપ્તચર એજન્સીઓ રમાસ આવશે, અને વધુ માહિતી એકઠી કરશે. જોકે હાલમાં માહિતી મળી રહી છે કે, રમાસની મુસ્લિમ યુવતી સાથે આ બાંગ્લાદેશી યુવકે લગ્ન કરી લીધા છે, ખાસ વાત છે કે, આ યુવતી બે સંતાનોની માતા છે અને તેના લગ્ન અગાઉ કઠલાલ ખાતે થયા હતા અને બાદમાં છૂટાછેડા થયા અને તે દુબઈ ચાલી ગઇ હતી, જ્યાં તેને આ બાંગ્લાદેશી યુવક સાથે પ્રેમ સંબંધ બંધાયો હતો. દુબઈમાં તેને આ બાંગ્લાદેશી યુવક સાથે લગ્ન કરી લીધા હતા. બાદમાં યુવતી અને યુવક બન્ને રમાસ આવ્યા હતા. મહત્વનું છે કે આ યુવક પાસે ભારતના વિઝા નથી તો ભારતમાં કયા રૂટથી ઘૂસ્યો તે તપાસનો વિષય છે અને કેટલા સમયથી યુવક રમાસ ખાતે રહેતો હતો તે પણ તપાસનો વિષય બન્યો છે.