Zomato News: ઝોમેટોમાંથી હવે ઓનલાઈન ફૂડ ઓર્ડર કરવું થયું મોંઘુ
ઝોમેટોમાંથી હવે ઓનલાઈન ફૂડ ઓર્ડર કરવું થયું મોંઘુ. ઝોમેટો કંપનીએ શુક્રવારથી ઓર્ડર પર પ્લેટફોર્મ ફીમાં 19%નો વધારો કર્યો છે. યુઝર્સને દરેક ઓર્ડર પર ₹12.50ને બદલે હવે ₹14.90 એટલે કે ₹2.40 વધુ પ્લેટફોર્મ ફી ચૂકવવી પડશે. GST ઉમેર્યા પછી આ રકમ વધુ વધશે. પ્લેટફોર્મ ફી એ દરેક ફૂડ ઓર્ડર પર લાગુ પડતો વધારાનો ચાર્જ છે. આ GST, રેસ્ટોરન્ટ ચાર્જ અને ડિલિવરી ફીથી અલગ છે. ઝોમેટો પ્લેટફોર્મ દરરોજ 20થી 25 લાખ ઓર્ડર ડિલિવર કરે છે.ઝોમેટોની મુખ્ય હરીફ કંપની સ્વિગી હાલમાં ટેક્સ સહિત લગભગ ₹14.99 પ્લેટફોર્મ ફી વસૂલી રહી છે. કંપનીએ 7 મહિનામાં બીજી વખત પ્લેટફોર્મ ફી વધારી છે. કિંમતોમાં આ વધારા પાછળ ક્રૂડ ઓઇલની વધતી કિંમતોને એક મોટું કારણ માનવામાં આવી રહ્યું છે. ઓઇલ મોંઘું થવાથી ડિલિવરી પાર્ટનર્સનો ખર્ચ વધે છે અને કંપનીના લોજિસ્ટિક્સ ઓપરેશન્સ પર પણ અસર પડે છે. આ ઉપરાંત, ઝોમેટો પોતાની પ્રોફિટેબિલિટી સુધારવા માટે પણ સમયાંતરે પ્લેટફોર્મ ફીમાં ફેરફાર કરતી રહે છે.
ટોપ સ્ટોરી
ટ્રેન્ડિંગ સમાચાર
