Amit Khunt suicide case: અમિત ખૂંટ આત્મહત્યા કેસના સહઆરોપીનું મોત

 રાજકોટના અમિત ખૂંટ આત્મહત્યા કેસના સહઆરોપી પૂજા રાજગોરનું મોત થયું છે. મળતી જાણકારી અનુસાર, શ્રીનાથગઢ અને મોવિયા ગામ વચ્ચે એક સ્કોડા કાર વૃક્ષ સાથે ધડાકાભેર અથડાતાં ગમખ્વાર અકસ્માત સર્જાયો છે. આ દુર્ઘટનામાં પૂજા રાજગોરનું મોત નીપજ્યું છે, જ્યારે 5 વર્ષની બાળકી સહિત અન્ય 4 લોકો ગંભીર રીતે ઘાયલ થયા છે.

રાજકોટના રીબડા અમિત ખૂંટ આત્મહત્યા કેસની સહ આરોપી યુવતીનું અકસ્માતમાં મોત.. ગોંડલના શ્રીનાથગઢ અને મોવિયા વચ્ચે સર્જાયેલા અકસ્માતમાં પૂજા રાજગોરનું મોત નિપજ્યુ.. પૂજા રાજગોર મિત્રોની કારમાં સાસણથી પરત ફરી રહી હતી.. ત્યારે જ શ્રીનાથગઢ અને મોવિયા ગામ વચ્ચે આવેલ દાવત બેવરેજીસ પાસે કાર વૃક્ષ સાથે ધડાકાભેર અથડાઈ હતી.. અકસ્માતની આ ઘટનામાં અમિત ખૂંટ આત્મહત્યા કેસમાં સહ આરોપી એવી પૂજા રાજગોરનું ઘટનાસ્થળે જ મોત નિપજ્યુ.. જ્યારે કારમાં સવાર પાંચ વર્ષની બાળકી સહિત ચાર લોકોને ગંભીર ઈજા થતા સારવાર માટે રાજકોટ ખસેડવામાં આવ્યા.. ગોંડલ તાલુકા પોલીસે સ્થળ પર પહોંચીને વધુ તપાસ હાથ ધરી..