Amreli Heavy Rain : અમરેલીમાં મીની વાવાઝોડું, ગાજવીજ અને ભારે પવન સાથે ધોધમાર વરસાદ

Amreli Heavy Rain : અમરેલીમાં મીની વાવાઝોડું, ગાજવીજ અને ભારે પવન સાથે ધોધમાર વરસાદ 

અમરેલી: અમરેલી જિલ્લાના વાતાવરણમાં જોરદાર પલટો આવ્યો છે.  અમરેલી જિલ્લામાં ધોધમાર વરસાદ વરસી રહ્યો છે. અમરેલીના વડેરા અને નાના ભંડારીયા ગામમાં બારે મેઘ ખાંગા થયા હોય તેવા દ્રશ્યો છે. કુંકાવાવ રોડ ઉપર ભારે પવનના કારણે વૃક્ષો ધરાશાયી થયા છે. ભારે વરસાદને પગલે અમરેલી-કુંકાવાવ સ્ટેટ હાઈવે બંધ થયો છે.  ધોધમાર વરસાદને લઈને નાળા છલકાયા છે.

બપોરે 3 વાગ્યે ધોધમાર વરસાદની શરુઆત થઈ હતી. વીજળીના કડાકા સાથે અમરેલી ગ્રામ્ય વિસ્તારામાં ધોધમાર વરસાદ પડ્યો છે. અમરેલી-કુંકાવાવ સ્ટેટ હાઈવે બંધ થયો છે. નદી નાળા છલકાયા હોય તેવા દ્રશ્યો પણ જોવા મળી રહ્યા છે.  અમરેલી જિલ્લામાં મિની વાવાઝોડા જેવો માહોલ જોવા મળી રહ્યો છે.

અમરેલી જિલ્લામાં ગાજવીજ સાથે ધોધમાર વરસાદ વરસ્યો છે. લાઠી અને આસપાસના ગામડાઓમાં પણ  ધોધમાર વરસાદ પડ્યો છે. લાઠીના ગ્રામ્ય વિસ્તારોમાં પણ ધોધમાર વરસાદ વરસી રહ્યો છે. અમરેલી શહેર અને ગ્રામ્ય વિસ્તારોમાં ભારે પવન સાથે કમોસમી વરસાદ વરસ્યો છે.  અમરેલી વડેરા, નાના ભંડારિયા, સરંભડા સહિત આસપાસના વિસ્તારોમાં કમોસમી વરસાદ વરસ્યો છે.