Strait Of Hormuz : હોર્મુઝ ફરી બંધ થતાં ભારતની વધશે મુશ્કેલી?
Strait Of Hormuz : હોર્મુઝ ફરી બંધ થતાં ભારતની વધશે મુશ્કેલી?
US Iran Conflict: અમેરિકા અને ઈરાન વચ્ચેનો તણાવ ફરી એકવાર ગંભીર વળાંક પર પહોંચી ગયો છે. હોર્મુઝ જળમાર્ગમાં એક વેપારી જહાજ પર હુમલા બાદ અમેરિકાએ રવિવારે ઈરાન પર આ સપ્તાહની ત્રીજી સૈન્ય કાર્યવાહી શરૂ કરી. અમેરિકન સેન્ટ્રલ કમાન્ડ (CENTCOM)એ જણાવ્યું કે આ કાર્યવાહી ઈરાનની ઇસ્લામિક રિવોલ્યુશનરી ગાર્ડ કોર્પ્સ (IRGC) દ્વારા સાયપ્રસના ધ્વજવાળા કન્ટેનર જહાજ M/V GFS Galaxy પર થયેલા હુમલાના જવાબમાં કરવામાં આવી છે.
જહાજ પર હુમલો, ક્રૂનો એક સભ્ય ગુમ
CENTCOMના જણાવ્યા મુજબ ભારતીય સમય અનુસાર કાર્યવાહી રવિવારે રાત્રે શરૂ થઈ હતી. હુમલામાં જહાજમાં આગ લાગી હતી અને એન્જિન રૂમને ભારે નુકસાન પહોંચ્યું હતું, જેના કારણે જહાજ આગળની મુસાફરી કરવા સક્ષમ રહ્યું નથી. ક્રૂનો એક સભ્ય હજુ પણ ગુમ હોવાનું જણાવાયું છે. અમેરિકાના સંરક્ષણ પ્રધાન પીટ હેગસેથે જણાવ્યું હતું, "ઈરાને ખોટો નિર્ણય લીધો છે, હવે તેને તેની કિંમત ચૂકવવી પડશે."
ટોપ સ્ટોરી
ટ્રેન્ડિંગ સમાચાર
