PM Kisan Samman Nidhi: ખેડૂતોની આતુરતાનો આવશે અંત, આ તારીખે ખાતામાં જમા થશે 13મો હપ્તો, ફટાફટ પતાવી લો આ જરૂરી કામ

PM Kisan Samman Nidhi: વડાપ્રધાન નરેન્દ્ર મોદીએ 24 ફેબ્રુઆરી 2019ના રોજ પીએમ કિસાન સન્માન નિધિ યોજના શરૂ કરી હતી. આગામી 24 ફેબ્રુઆરીએ આ યોજનાને 4 વર્ષ પૂર્ણ થશે.

તસવીરનો ઉપયોગ પ્રસ્તુતિકરણ માટે કરવામાં આવ્યો છે

Source : PTI

PM Kisan Samman Nidhi:  પ્રધાનમંત્રી કિસાન સન્માન નિધિના 12 હપ્તાઓ ખેડૂતોના ખાતામાં પહોંચી ગયા છે. ખેડૂતો 13મો હપ્તો આવે તેની આતુરતાથી રાહ જોઈ રહ્યા છે. ઈ-કેવાયસી અને અપડેટ માટે ખેડૂતોને સતત અપીલ કરવામાં આવી રહી છે. એવું કહેવામાં આવ્યું છે કે અયોગ્ય ખેડૂતોની છટણીને કારણે હપ્તો મોડી થઈ રહ્યો છે. પરંતુ હવે સમાચાર સામે આવી રહ્યા છે, તેનાથી ખેડૂતોને રાહત મળવાની આશા છે.

ખાતામાં 24 ફેબ્રુઆરીએ હપ્તો આવી શકે છે

વડાપ્રધાન નરેન્દ્ર મોદીએ 24 ફેબ્રુઆરી 2019ના રોજ પીએમ કિસાન સન્માન નિધિ યોજના શરૂ કરી હતી. આગામી 24 ફેબ્રુઆરીએ આ યોજનાને 4 વર્ષ પૂર્ણ થશે. મીડિયામાં આવી રહેલા સમાચાર મુજબ 24 ફેબ્રુઆરીએ કેન્દ્ર સરકારના ખાતામાં ફંડ જારી કરવામાં આવી શકે છે. જો કે, 24 ફેબ્રુઆરીએ હપ્તો બહાર પાડવા અંગે કેન્દ્ર સરકાર દ્વારા કોઈ સત્તાવાર જાહેરાત કરવામાં આવી નથી. ખેડૂતો સત્તાવાર જાહેરાતની આતુરતાથી રાહ જોઈ રહ્યા છે.

લાભાર્થીઓની સંખ્યા વધીને 10.45 કરોડ થઈ

વડાપ્રધાન નરેન્દ્ર મોદીએ 17 ઓક્ટોબર 2022ના રોજ ખેડૂતોના ખાતામાં 12મો હપ્તો મોકલી આપ્યો હતો. કરોડો ખેડૂતોને તેનો લાભ મળ્યો. કેન્દ્ર સરકાર દ્વારા સંસદમાં માહિતી આપવામાં આવી છે. વર્ષ 2019માં જ્યાં પીએમ કિસાનના લાભાર્થીઓની સંખ્યા 3.16 કરોડ હતી, જે વર્ષ 2022માં વધીને 10.45 કરોડ થઈ ગઈ છે. કેન્દ્ર સરકાર સૂચિમાંથી અયોગ્યને દૂર કરીને પાત્ર ખેડૂતોની સંખ્યા વધારવા માટે સતત પ્રયાસ કરી રહી છે.

આ રીતે પોર્ટલ પર અપડેટ કરો

ખેડૂતોએ પહેલા પ્રધાનમંત્રી કિસાન યોજનાના સત્તાવાર પોર્ટલ પર જવું પડશે. આમાં લાભાર્થીની સ્થિતિ, ઇ-કેવાયસી અને અન્ય વિકલ્પો આપવામાં આવશે. જો ઈ-કેવાયસી કરાવવાનું હોય, તો તમે આ વિકલ્પ પર ક્લિક કરીને ઈ-કેવાયસી પૂર્ણ કરી શકો છો. નવા ખેડૂતે રજીસ્ટ્રેશન કરાવવું હોય તો પણ ખેડૂતો માટે વિકલ્પ આપવામાં આવ્યો છે. પાત્રતા ધરાવતા ખેડૂતોની માહિતી લાભાર્થી સ્થિતિ, લાભાર્થીની યાદીમાંથી મેળવી શકાય છે. જણાવી દઈએ કે આ યોજના હેઠળ કેન્દ્ર સરકાર દર 4 મહિને ખેડૂતોના ખાતામાં 2 હજાર રૂપિયા મોકલે છે. આ રીતે ખેડૂતોના ખાતામાં વાર્ષિક 6 હજાર રૂપિયા મોકલવામાં આવે છે.

આ પણ વાંચોઃ