PM Kisan Scheme: પીએમ કિસાન યોજનામાં સામે આવ્યો ગોટાળો, ખોટી રીતે યોજનાનો લાભ ઉઠાવી રહ્યા છે આટલા ખેડૂતો

PM Kisan Scheme: પ્રધાનમંત્રી કિસાન સન્માન નિધિ યોજના હેઠળ સરકાર તરફથી ખેડૂતોના ખાતામાં દર વર્ષે ત્રણ હપ્તામાં થઈ છ હજાર રૂપિયા મોકલવામાં આવે છે.

પીએમ કિસાન સ્કીમ

PM Kisan Scheme: વડાપ્રધાન નરેન્દ્ર મોદીની મનપસંદ યોજનાઓમાંની એક PM કિસાન સન્માન નિધિમાં મોટી છેતરપિંડી સામે આવી છે. ભાજપ શાસિત ઉત્તર પ્રદેશમાં અત્યાર સુધીની તપાસમાં 3 લાખ 15 હજાર લાભાર્થીઓ અયોગ્ય જણાયા છે. આ બાબતની નોંધ લેતા મુખ્ય સચિવે તપાસના આદેશ આપ્યા છે. પ્રધાનમંત્રી કિસાન સન્માન નિધિ યોજના હેઠળ સરકાર તરફથી ખેડૂતોના ખાતામાં દર વર્ષે ત્રણ હપ્તામાં થઈ છ હજાર રૂપિયા મોકલવામાં આવે છે.

શું મામલો છે?

વડાપ્રધાનની મહત્વાકાંક્ષી યોજનાઓમાંથી એક, પીએમ કિસાન સન્માન નિધિ છેતરપિંડી સામે આવી છે. યુપી સરકાર તેને લઈને સાવધ દેખાઈ રહી છે. મુખ્યમંત્રી યોગી આદિત્યનાથ પીએમ મોદીના આદર્શોને અનુસરવાની વાત કરે છે. મુખ્ય સચિવે આ મામલે તપાસના આદેશ આપ્યા છે. આ સાથે સચિવ દ્વારા જિલ્લાઓમાં લાભાર્થીઓની યોગ્યતા ચકાસવાના આદેશો પણ આપવામાં આવ્યા છે. માહિતી અનુસાર રાજ્યમાં અત્યાર સુધીમાં 2.55 કરોડ ખેડૂતોને કિસાન સન્માન યોજનાનો એક વખત લાભ મળ્યો છે. આમાં 6.18 લાખ ખેડૂતો એવા છે જેમનો આધાર નંબર ડેટાબેઝમાં ખોટી રીતે દાખલ કરવામાં આવ્યો છે. આવી સ્થિતિમાં હવે તેઓ આ સ્કીમનો બીજો હપ્તો નહીં મેળવી શકે. જો કે સરકાર દ્વારા તપાસ આગળ વધારવા સૂચના આપવામાં આવી છે.

તપાસ બાદ આવા ખેડૂતો પર કાર્યવાહી કરવામાં આવશે

કિસાન સન્માન નિધિ યોજનાનો ખોટી રીતે લાભ લેવા માટે નકલી ખેડૂતોની ઓળખ કરવામાં આવી છે. આ મામલે તપાસના આદેશ આપવામાં આવ્યા છે અને તપાસ બાદ તેમની સામે કાર્યવાહી કરવામાં આવશે. કહેવામાં આવી રહ્યું છે કે આ નકલી ખેડૂતો પાસેથી સ્કીમના પૈસા વસૂલવામાં આવશે. તો સાથે જ એવું પણ કહેવામાં આવ્યું છે કે આ યોજનાનો લાભ લેનાર નકલી ખેડૂતો પોર્ટલ દ્વારા આપોઆપ રકમ પરત કરી શકે છે. મુખ્ય સચિવે આદેશ આપ્યો છે કે આ ખેડૂતો પાસેથી યોજનાના નાણાં વસૂલ્યા પછી તેને કેન્દ્ર સરકારના ખાતામાં પાછા ટ્રાન્સફર કરવામાં આવે.