કોંગ્રેસના પાંચ ધારાસભ્યો નહીં જાય તિરુપતિ, જાણો શું છે કારણ?

અમદાવાદઃ ગુજરાત કોંગ્રેસના 43 ધારાસભ્યો આજે તિરુપતિ દર્શન માટે જવાના છે. જોકે, અત્યારે સમાચાર સામે આવી રહ્યા છે કે, આ 43 ધારાસભ્યોમાંથી પાંચ ધારાસભ્યો તિરુપતિ જવાના નથી. એબીપી અસ્મિતા પાસે અત્યાર સુધીમાં બે ધારાસભ્યોના નામ સામે આવ્યા છે. સાંજ સુધીમાં અન્ય ત્રણ નામો પણ સામે આવી શકે છે.

જે બે ધારાસભ્યોના નામ સામે આવ્યા છે, તેમાં રાજકોટના ધારાસભ્ય ઇન્દ્રનીલ રાજ્યગુરુ અને વડગામના ધારાસભ્ય મણિભાઈ વાઘેલાનો સમાવેશ થાય છે. આ પાંચ ધારાસભ્યો પોતપોતાના મત વિસ્તારમાં કોઈ કાર્યક્રમોને લઈને વ્યસ્ત હોવાથી તેઓ તિરુપતિ ન જવાના હોવાનું જાણવા મળ્યું છે. જોકે, ત્રણ ધારાસભ્યોના નામ હજુ જાણી શકાયા નથી.

નોંધનીય છે કે, ગઈ કાલે આ 43 ધારાસભ્યો કોંગ્રેસ અધ્યક્ષા સોનિયા ગાંધી અને ઉપાધ્યક્ષ રાહુલ ગાંધીને મળ્યા હતા. હવે આજે સાંજે તેઓ તિરુપતિ દર્શન માટે જવાના છે.