છૂટાછેડા લીધાંના ત્રણ દિવસ બાદ જ ભરૂચની યુવતીએ અમદાવાદમાં કર્યો આપઘાત, જાણો વિગત

રિવરફ્રન્ટ પોલીસ હાલ યુવતીનાં પરિવાર જનોની પૂછપરછ કરી રહી છે. આપઘાત સ્થળની આસપાસનાં સીસીટીવી ફુટેજ જોવાની પણ તજવીજ હાથ ધરવામાં આવી છે. નદીમાં ઝંપલાવતાં જ આસપાસના લોકો ઘટનાસ્થળે દોડી આવ્યા હતાં.

અમદાવાદના ખાનપુર ખાતે આવેલા વોક-વે પરથી પારૂલ હસમુખભાઇ પટેલે નદીમાં ઝંપલાવ્યું હતું. આ મૃતક યુવતી ભરૂચનાં બલોટા ગામની વતની હતી. આજે જ તેનો જન્મદિવસ પણ હતો. આ યુવતીનાં 17મી જાન્યુઆરીનાં રોજ છૂટાછેડા થયા હતાં. આનાં કારણે જ યુવતીએ આ અંતિમ પગલું ભર્યું તેવી ચર્ચાઓ પણ ચાલી રહી હતી. આ મામલામાં હજી આપઘાત કરવાનું કારણ સામે આવ્યું નથી. હાલ તેની પાસેથી કોઈ સ્યુસાઇડ નોટ પણ મળી નથી.