અમદાવાદ: બાવળા-ચાંગોદર હાઈવે પર એકસાથે ત્રણ કારનો ટ્રિપલ અકસ્માત સર્જાયો, કારનો થયો કચ્ચરઘાણ

આ અકસ્માત સર્જાતાની સાથે હાઈવે પર ટ્રાફિક જામ થઈ ગયો હતો. હાલ પોલીસે ફરિયાદ નોંધીને આગળની કાર્યવાહી હાથ ધરી છે. આ અકસ્માતમાં 11થી વધારે લોકોને પાસેની હોસ્પિટલમાં ખસેડવામાં આવ્યાં છે. સોલા સિવિલ હોસ્પિટલમાં ઇજાગ્રસ્તોની સારવાર ચાલી રહી છે.

બાવળા-ચાંગોદર રોડ પર એસેન્ટ કાર અમદાવાદથી રાજકોટ તરફ જઈ રહી હતી. તે દરમિયાન અચાનક કારનું ટાયર ફાટી ગયું હતું. ટાયર ફાટતાંની સાથે જ સામેથી આવતી ઈકો અને વેગનઆર સાથે અથડાઈ હતી. જેના કારણે આ ગમખ્વાર અકસ્માત સર્જાયો હતો.

અમદાવાદ: અમદાવાદનાં બાવળા-ચાંગોદર રોડ પર ઈકો, વેગનઆર અને એસેન્ટનો ટ્રિપલ અકસ્માત સર્જાયો હતો. જેમાં બે મહિલાઓનાં ઘટના સ્થળે મોત નીપજ્યાં હતાં અને અન્ય 4 લોકો ગંભીર રીતે ઈજાગ્રસ્ત થયા હતાં. આ 4 સહિત 11 લોકોને નજીકની હોસ્પિટલમાં સારવાર માટે ખસેડવામાં આવ્યાં હતાં.