મહેશ શાહ 1560 કરોડના પહેલા હપ્તાની નોટો બે ટ્રકમાં ભરીને લાવવાનો હતો, કોણે કર્યો આ ખુલાસો?

ભૂગર્ભમાં ઉતરી ગયેલા મહેશ શાહ મીડિયા સમક્ષ હાજર થયો હતો. ત્યાંથી જ આયકર વિભાગની ટીમે તેનો કબજો લઇ આખી રાત પૂછપરછ કરી હતી. સમગ્ર પૂછપરછમાં કૌભાંડના મુખ્ય સૂત્રધારો કોણ છે/ તેની માહિતી આયકર વિભાગને મળી નથી. અમદાવાદનો મહેશ શાહ તેની એક જ જાહેરાતને કારણે હાલ તો દેશમાં વિજય માલ્યા કરતાં પણ મોટો ડિફોલ્ટર થઇ ગયો છે.

જોકે, આ તમામ રૂપિયા ગુજરાતીઓના જ હતા. મહેશ શાહે રૂ. 13,860 કરોડ જાહેર કરવાની વાત કરી તેનાથી આશ્ચર્ય થયું હતું. જોકે, ટેક્સનો પ્રથમ હપ્તો ન ભરતાં તેમને થોડી શંકા ગઈ હતી. ૩૦મી નવેમ્બર સુધી આ રૂપિયા જમા કરાવી દેવા માટે આયકર વિભાગે તાકીદ કરી હતી. ૨૮મી નવેમ્બર સુધી મહેશ તરફથી કોઇ જ તૈયારી ન બતાવાતાં આયકર વિભાગે તેની પ્રપોઝલ રદ કરી તેના ઘરે દરોડા પાડ્યા હતા.