કરોડોનું કોલ સેન્ટર કૌભાંડઃ અબજોનો વહીવટ કરતી રીમા ઠક્કર કોણ છે ? જાણો રસપ્રદ વિગતો

અમદાવાદ: અબજો રૂપિયાના કોલ સેન્ટર રેકેટનો માસ્ટર માઈન્ડ સાગર ઠક્કર હોવાનું બહાર આવ્યું છે પણ આ કૌભાંડમાં તેની બહેન રીમા ઠક્કરની ભૂમિકા પણ મહત્વની હતી એવું પોલીસ તપાસમાં બહાર આવ્યું છે. રીમા ઠક્કર પડદા પાછળ રહીને તેના ભાઈને માર્ગદર્શન આપતી અને બધો નાણાંકીય વહીવટ તે જ સંભાળતી હતી.

સાગરના કોલ સેન્ટર દ્વારા અમેરિકામાં જેમને ધમકાવવામાં આવતા એ બધાં નાણાં અમેરિકાથી હવાલા કૌભાંડ મારફતે ભારત આવતા હતા. સાગરની બહેન રીમા હવાલા ઓપરેટરો સાથે સંપર્કમાં હતી અને હવાલા મારફતે રૂપિયા મંગાવતી. આ રૂપિયા ક્યાં રાખવા તેનો નિર્ણય પણ રીમા જ લેતી હતી.