દારૂની પાર્ટી કરનાર વિસ્મય શાહને કોર્ટે કર્યો જેલ ભેગો, પત્ની અને સાળાને......

અમદાવાદઃ પોલીસે અડાલજ નજીક આવેલા બાલાજી કુટિરમાં દારૂ અને હુક્કાની મહેફિલ માણતા છ લોકોની ધરપકડ છે. જેમાં ચકચારી બીએમ ડબ્લ્યુ હિટ એન્ડ રન કેસનો આરોપી રહેલો વિસ્મય પત્ની પૂજા શાહ, સાળા ચિન્મય પટેલ, વીએસની ડૉકટર સહિતના હાઈપ્રોફાઈલ લોકો ફાર્મ હાઉસમાં પાર્ટી માણતા ઝડપાયો છે. તાજેતરમાં કોર્ટે વિસ્મયને વિદેશ હનીમૂન કરવા જવાની ના પાડતા અમદાવાદમાં જ ક્રિસમસ પાર્ટી કરી હતી.

દારૂના કેસમાં કોર્ટે તમામ આરોપીઓની જામીન અરજી ફગાવી દીધી હતી અને સાથે પોલીસને ત્રણ દિવસની રિમાન્ડ અરજીને પણ કોર્ટે નકારી દીધી હતી. વિસ્મય શાહની સાથે તેની પત્ની અને ચાર મિત્રોને પણ જ્યુડિશિયલ કસ્ટડીમાં મોકલવામાં આવ્યા છે.

પોલીસ પાસેથી મળેલી જાણકારી અનુસાર, વિસ્મય પોતાના અડાજલમાં આવેલા બાલાજી કુટિર ફાર્મ હાઉસમાં પાર્ટી કરી રહ્યો હતો ત્યારે અચાકન જ પોલીસ ત્રાટકી હતી. જેમાં વિસ્મય શાહ, તેની પત્ની પૂજા શાહ, સાળા ચિન્મય પટેલ, વીએસની ડોક્ટર સહિતના હાઈપ્રોફાઈલ લોકોની પોલીસે દારૂની મહેફિલ માણતા ધરપકડ કરી હતી. સ્થળ પરથી પોલીસને સાત હુક્કા, સાત બોટલ વિદેશી દારૂ, આઠ બીયર ટીન અને એક મર્સિડીઝ કાર સહિતનો મુદ્દામાલ જપ્ત કર્યો છે. નોંધનીય છે કે, વિસ્મયના 13 ડિસેમ્બરે જ લગ્ન કર્યા હતા અને તેની જ પાર્ટી રાખવામાં આવી હતી.