BMW Electric Scooter: બીએમડબલ્યૂએ લૉન્ચ કર્યુ સૌથી મોંઘુ ઇલેક્ટ્રિક સ્કૂટર, સિંગલ ચાર્જિંગમાં આપશે 130 કિમીની રેન્જ
BMW CE 04 Launched: વિદેશી ઓટો કંપની BMW એ ભારતમાં ઇલેક્ટ્રિક સ્કૂટર CE 04 લૉન્ચ કરી દીધું છે. હાલમાં ભારતીય બજારમાં વેચાતા સ્કૂટરોમાં તે દેશનું સૌથી મોંઘું સ્કૂટર બની ગયું છે
BMW CE 04 Launched: વિદેશી ઓટો કંપની BMW એ ભારતમાં ઇલેક્ટ્રિક સ્કૂટર CE 04 લૉન્ચ કરી દીધું છે. હાલમાં ભારતીય બજારમાં વેચાતા સ્કૂટરોમાં તે દેશનું સૌથી મોંઘું સ્કૂટર બની ગયું છે. હાલમાં ઇલેક્ટ્રિક ટૂ-વ્હીલર એક મોંઘું વ્હીકલ બન્યુ છે. BMW એ ભારતમાં આ ઇલેક્ટ્રિક સ્કૂટરને 14.90 લાખ રૂપિયાની કિંમતની રેન્જ સાથે લૉન્ચ કર્યું છે.
બીએમડબલ્યૂનું ઇલેક્ટ્રિક સ્કૂટર
BMW CE 04માં 8.5 kWh બેટરી પેક છે. આ બેટરી પેક સાથે આ સ્કૂટર સિંગલ ચાર્જિંગમાં 130 કિલોમીટરની રેન્જ આપે છે. આ ઇલેક્ટ્રિક સ્કૂટરને ચાર્જ કરવા માટે બે ચાર્જિંગ વિકલ્પો આપવામાં આવ્યા છે. આ EVને સ્ટાન્ડર્ડ 2.3 kW ચાર્જરથી ચાર્જ કરી શકાય છે, જેના કારણે આ સ્કૂટરની બેટરીને સંપૂર્ણ ચાર્જ કરવામાં 4 કલાક 20 મિનિટનો સમય લાગે છે.
સાથે જ આ EVનું ફાસ્ટ ચાર્જિંગ પણ કરી શકાય છે. ઝડપી ચાર્જિંગ માટે, 6.9 kW ચાર્જરનો ઉપયોગ કરી શકાય છે, જેના કારણે આ સ્કૂટર માત્ર એક કલાક અને 40 મિનિટમાં સંપૂર્ણ ચાર્જ થઈ શકે છે.
ઇલેક્ટ્રિક સ્કૂટરનો પાવર
આ ઇલેક્ટ્રિક સ્કૂટર CE 04 ચલાવવા માટે પરમેનન્ટ મેગ્નેટ મોટરનો ઉપયોગ કરવામાં આવે છે, જે લિક્વિડ-કૂલ્ડ છે, જે ભારતીય બજારમાં મેળવવું ખૂબ મુશ્કેલ છે. આ મોટર 31 kW નો પાવર અને 62 Nm નો ટોર્ક જનરેટ કરે છે. BMWના આ ઇલેક્ટ્રિક સ્કૂટરને 0 થી 50 kmphની ઝડપે પહોંચવામાં 2.6 સેકન્ડનો સમય લાગે છે. આ સ્કૂટરની ટોપ સ્પીડ 120 kmph છે.
દેશમાં સૌથી મોંઘુ સ્કૂટર
BMW એ તેનું ઇલેક્ટ્રિક સ્કૂટર 14.90 લાખ રૂપિયાની કિંમત સાથે લૉન્ચ કર્યું છે. આ સ્કૂટર પછી બીજું સૌથી મોંઘું સ્કૂટર Vespa 946 Dragon Edition છે, જેની કિંમત 14.28 લાખ રૂપિયા છે. BMW Motorrad કહે છે કે આ વર્ષે કુલ આઠ નવા લૉન્ચ કરવામાં આવશે.
ટ્રેન્ડિંગ સમાચાર
ટોપ સ્ટોરી
