Auto News: દિલ્લીની આ જગ્યાએ મળે છે સસ્તી કાર, નવી ગાડી પર મળી જશે 50%નું ડિસ્કાઉન્ટ
Auto News: છેલ્લા 5 દિવસમાં જૂની કારના ભાવમાં 40 થી 50 ટકાનો ઘટાડો થયો છે. દિલ્હીમાં વાહન ડીલરો હવે એક ચતુર્થાંશ ભાવે પણ પોતાના વાહનો વેચવા મજબૂર છે
Auto News:દિલ્હીમાં સેકન્ડ હેન્ડ કારના ભાવમાં 50% સુધીનો મોટો ઘટાડો થયો છે. રાષ્ટ્રીય રાજધાનીમાં જૂની કાર પર પ્રતિબંધને કારણે આ ઘટાડો થયો છે. ઉદ્યોગ સંગઠન CTI એ શુક્રવારે જણાવ્યું હતું કે જૂના વાહનોના ભાવમાં 4૦ થી 5૦ ટકાનો ઘટાડો થયો છે. ચેમ્બર ઓફ ટ્રેડ એન્ડ ઇન્ડસ્ટ્રી (CTI) ના અધ્યક્ષ બ્રિજેશ ગોયલે જણાવ્યું હતું કે આ પ્રતિબંધોને કારણે દિલ્હીમાં જૂના વાહનોના બજાર પર ખરાબ અસર પડી છે. જૂના વાહનો પરના નિર્ણયમાં ફેરફારને કારણે લગભગ 6૦ લાખ વાહનો પ્રભાવિત થયા છે. દિલ્હીમાં, પેટ્રોલ વાહનો માટે વય મર્યાદા 25 વર્ષ અને ડીઝલ વાહનો માટે 16 વર્ષ નક્કી કરવામાં આવી છે.
સસ્તી કાર ક્યાંથી મળશે
જો તમે દિલ્હીથી બીજા રાજ્યોમાં સેકન્ડ હેન્ડ કાર ખરીદવા માંગતા હો, તો આ એક સુવર્ણ તક છે. કરોલ બાગ, પ્રીત વિહાર, પીતમપુરા અને મોતી નગર જેવા વિસ્તારોમાં 1,000 થી વધુ સેકન્ડ હેન્ડ કાર ડીલરો છે. હાલમાં તમે આ સ્થળોએથી ખૂબ જ સસ્તા ભાવે કાર ખરીદી શકો છો.
ખરીદદારો આ રાજ્યોમાંથી આવે છે
દિલ્હીથી વપરાયેલી કાર સામાન્ય રીતે પંજાબ, રાજસ્થાન, ઉત્તર પ્રદેશ, બિહાર, તમિલનાડુ, કર્ણાટક અને કેરળમાં વેચાય છે. જોકે, બહારના રાજ્યોમાંથી માંગ સાથે આક્રમક સોદાબાજી પણ થઈ રહી છે.
લક્ઝરી કાર પર બમ્પર ડિસ્કાઉન્ટ પણ
જૂની કાર પર પ્રતિબંધથી લક્ઝરી સેકન્ડ હેન્ડ કાર પર અસર પડી છે. ગોયલના મતે, લક્ઝરી જૂની કાર પહેલા છ થી સાત લાખ રૂપિયામાં વેચાતી હતી પરંતુ હવે તે ભાગ્યે જ ચાર થી પાંચ લાખ રૂપિયામાં વેચાઈ રહી છે. અન્ય રાજ્યોના ખરીદદારો દિલ્હીના વેપારીઓ દ્વારા સામનો કરવામાં આવતા પડકારોથી વાકેફ છે અને તે મુજબ સોદાબાજી કરી રહ્યા છે.
કોર્ટના આદેશ પર પ્રતિબંધ
કોર્ટના આદેશ બાદ દિલ્હી સરકારે આ જૂના વાહનોમાં ઇંધણ ભરવા પર પ્રતિબંધ મૂક્યો હતો. ૧ જુલાઈથી દિલ્હીમાં આ વાહનોને રસ્તાઓ પર ચલાવવાની મંજૂરી નથી. જોકે, આ જોગવાઈઓનો વ્યાપક વિરોધ થયા બાદ, દિલ્હી સરકારે ગુરુવારે કમિશન ફોર એર ક્વોલિટી મેનેજમેન્ટ (CAQM) ને તાત્કાલિક અસરથી પ્રતિબંધ હટાવવા વિનંતી કરી. આ પ્રતિબંધોને કારણે, જૂના વાહનોના વ્યવસાયને ખરાબ અસર પડી છે. ગોયલે, જે પોતે એક વાહન વ્યવસાયી છે, દાવો કર્યો હતો કે વેપારીઓને આ કાર ખૂબ જ ઓછી કિંમતે વેચવાની ફરજ પડી રહી છે.
NOC મેળવવામાં મુશ્કેલી
કાર ડીલરો પણ પરિવહન વિભાગ પાસેથી નો ઓબ્જેક્શન સર્ટિફિકેટ (NOC) મેળવવામાં મુશ્કેલીઓ અંગે ચિંતિત છે, જે અન્ય રાજ્યોમાં જૂના વાહનો વેચવા માટે જરૂરી છે. પહેલા આ પ્રક્રિયા પ્રમાણમાં સરળ હતી, પરંતુ હવે વેપારીઓ કહે છે કે તેઓ વિલંબ અને ગૂંચવણોનો સામનો કરી રહ્યા છે.
ટોપ સ્ટોરી
ટ્રેન્ડિંગ સમાચાર
