New Kia Carnival: ટેસ્ટિંગ દરમિયાન જોવા મળી કિઆ કાર્નિવલ, મળ્યા છે આ સ્ટાઈલિંગ અપડેટ 

નવી અપડેટેડ કિઆ કાર્નિવલ આવતા વર્ષે ભારતીય બજારમાં વેચાણ માટે ઉપલબ્ધ થશે, ટૂંક સમયમાં તે વૈશ્વિક બજારમાં લોન્ચ થવા જઈ રહી છે.

( Image Source : Kia Motors )

Fourth Generation Kia Carnival: નવી અપડેટેડ કિઆ કાર્નિવલ આવતા વર્ષે ભારતીય બજારમાં વેચાણ માટે ઉપલબ્ધ થશે, ટૂંક સમયમાં તે વૈશ્વિક બજારમાં લોન્ચ થવા જઈ રહી છે. તાજેતરમાં, ભારતમાં આગામી કાર્નિવલની નવી સ્પાઈ તસવીરો કોરિયામાં સામે આવી છે, જેનાથી આપણને આ MPVની  ફ્રેશ સ્ટાઈલ અને લૂકની પ્રારંભિક ઝલક આપે છે.

મોટા સ્ટાઇલ અપડેટ્સ મળશે

નવા સ્પાય શોટ્સને જોતા એવું લાગે છે કે તે અપડેટેડ MPVના એડવર્ટાઈઝમેન્ટ શૂટ દરમિયાન ક્લિક કરવામાં આવ્યા છે. તેની ફ્રન્ટ લૂક સ્ટાઇલ પ્રી-ફેસલિફ્ટ કાર્નિવલમાં જોવા મળતા જૂના લૂકથી સંપૂર્ણપણે અલગ છે.  જે આ વર્ષની શરૂઆતમાં ભારતમાં Kia KA4 પ્રિવ્યૂમાં પણ જોવા મળી હતી. આ તસવીરો વિશાળ ગ્રિલ સાથે વધુ સ્ટ્રેટ નોઝ અને ચાલતી DRL લાઇટો સાથે L-આકારની હેડલેમ્પની પુષ્ટિ કરે છે. સમગ્ર ગ્રિલમાં ક્રોમ બિટ્સ પથરાયેલા છે, જ્યારે આગળના બમ્પરને સરળ ડિઝાઇન મળે છે અને તેમાં કોઈ કટ કે ક્રિઝ નથી. તેમાં એક નાનું ઇન્ટેક નીચે છે, જે ફોક્સ બ્રશ કરેલી એલ્યુમિનિયમ સ્કિડ પ્લેટથી ઘેરાયેલું છે, જે MPVને પ્રીમિયમ લુક આપે છે. તેમાં L-આકારની થીમ ટેલ-લેમ્પ્સ પણ છે, જે LED લાઇટ બાર દ્વારા કનેક્ટેડ છે, જે અપડેટેડ સેલ્ટોસ અને Kia ની મલ્ટીપલ બોર્ન EV SUV જેવી જ ડિઝાઇન ધરાવે છે, જેમાં ભારત-બાઉન્ડ EV 9 નો પણ સમાવેશ થાય છે. ટેલગેટને મધ્યમાં લાયસન્સ પ્લેટ સાથે સપાટ દેખાવ મળે છે, અને પાછળના બમ્પરને મેટ બ્લેક અને ક્રોમ ટ્રીટમેન્ટ મળે છે.

આ સ્ટાઇલીંગ ટચ સિવાય, કિનારા પર ક્રોમ ફિનિશિંગ્સ અને એલોય વ્હીલ્સની નવી ડિઝાઇન પણ છે, જે નવા Kia મોડલ્સ EV5 અને EV9 જેવી EV SUV જેવી જ છે. ડ્યુઅલ સનરૂફ સેટઅપ અને રૂફ રેલ પણ ટોપ વેરિઅન્ટમાં ઉપલબ્ધ હશે.

ઈન્ટીરિયર

ઈન્ટીરિયરની વાત કરીએ તો ડેશબોર્ડ વધુ ટેક્નોલોજીથી સજ્જ હશે અને તેમાં ઘણા સીટિંગ લેઆઉટ વિકલ્પો હશે. કાર્નિવલમાં EV9 જેવી જ નવી લૂક સીટ મળશે અને વધુ ફીચર્સ પણ અપેક્ષિત છે. જેમાં ઇન્સ્ટ્રુમેન્ટેશન અને ઇન્ફોટેનમેન્ટ અને ADAS જેવી સેફ્ટી ટેક્નોલોજી માટે બે ક્વર્ડ ડિસ્પ્લેનો સમાવેશ થાય છે.

ભારતમાં સીધી સ્પર્ધા નથી 

ભારતમાં આગામી કાર્નિવલ વિશે વધુ વિગતો વૈશ્વિક લોન્ચ પહેલા જાહેર થવાની અપેક્ષા છે. ભારતમાં તેનો કોઈ સીધો હરીફ નથી, કારણ કે આ MPV ટોયોટા ઈનોવા હાઈક્રોસ અને ટોયોટા વેલફાયર વચ્ચેના સેગમેન્ટમાં આવશે.