Tesla એ જાહેર કરી પહેલી કારની કિંમત, જાણો ક્યારે થશે Model Y ની ડિલીવરી ?
Tesla Entry In India: ટેસ્લા મોડેલ Y બે વેરિઅન્ટ (સ્ટાન્ડર્ડ RWD અને લોંગ રેન્જ RWD. સ્ટાન્ડર્ડ) માં ઓફર કરવામાં આવશે
Tesla Entry In India: ટેસ્લાએ ભારતમાં તેની પહેલી ઇલેક્ટ્રિક SUV - મૉડેલ Y ની કિંમત અને ડિલિવરી સમયરેખા જાહેર કરી છે. આ ભારતમાં ટેસ્લાના સત્તાવાર લૉન્ચનો એક મોટો ભાગ છે અને તેની લાંબા સમયથી રાહ જોવાઈ રહી હતી. મોડેલ Y RWD ની ઓન-રોડ શરૂઆતની કિંમત 61.07 લાખ રૂપિયા રાખવામાં આવી છે, જ્યારે લોંગ રેન્જ RWD વેરિઅન્ટની કિંમત 69.15 લાખ રૂપિયા છે.
શરૂઆતમાં, આ ઇલેક્ટ્રિક SUV દિલ્હી, ગુરુગ્રામ અને મુંબઈ જેવા ત્રણ મુખ્ય શહેરોમાં ઉપલબ્ધ થશે. કંપની 2025 ના ત્રીજા ક્વાર્ટર (Q3 2025) થી તેની ડિલિવરી શરૂ કરશે. મોડેલ Y 22,000 રૂપિયામાં બુક કરી શકાય છે, જે રિફંડપાત્ર નથી.
મૉડેલ Y ના કેટલા વેરિઅન્ટ ઓફર કરવામાં આવશે ?
ટેસ્લા મોડેલ Y બે વેરિઅન્ટ (સ્ટાન્ડર્ડ RWD અને લોંગ રેન્જ RWD. સ્ટાન્ડર્ડ) માં ઓફર કરવામાં આવશે. આ વેરિઅન્ટમાં 60kWh LFP બેટરી આપવામાં આવશે, જે લગભગ 500 કિલોમીટરની ડ્રાઇવિંગ રેન્જ આપશે અને આ કાર લગભગ 5.6 સેકન્ડમાં 0 થી 100 કિમી/કલાકની ઝડપ પકડી શકે છે.
Model Y ની કેટલા વેરિએન્ટ થશે લૉન્ચ ?
બીજી તરફ, લોંગ રેન્જ RWD વેરિઅન્ટમાં 75kWh NMC બેટરી હશે, જેની રેન્જ 622 કિલોમીટર સુધીની છે અને આ SUV 5 સેકન્ડથી ઓછા સમયમાં 0 થી 100 કિમી પ્રતિ કલાકની ઝડપ હાંસલ કરી શકે છે.
મૉડલ Y માં મળનારા હાઇ ટેક ફિચર્સ
ટેસ્લા મોડેલ વાય ભારતમાં ઘણી અદ્યતન તકનીકી સુવિધાઓ સાથે લોન્ચ કરવામાં આવશે. તેમાં ઓવર-ધ-એર સોફ્ટવેર અપડેટ્સ, પાછળની સીટ માટે અલગ ટચસ્ક્રીન, ઇલેક્ટ્રિક એડજસ્ટેબલ રીઅર સીટ આપવામાં આવી શકે છે.
ઉપરાંત, ટેસ્લાની પ્રીમિયમ સાઉન્ડ સિસ્ટમ અને રીઅલ-ટાઇમ કંટ્રોલ સુવિધા ટેસ્લા એપ દ્વારા પૂરી પાડવામાં આવશે. આ બધી સુવિધાઓ આ મોડેલને ટેકનોલોજીની દ્રષ્ટિએ એક ડગલું આગળ રાખે છે.
ટોપ સ્ટોરી
ટ્રેન્ડિંગ સમાચાર
