આજથી બદલી શકાશે જૂની નોટો, ટોચની બેંકોએ પોતાના સમય બદલીને ગ્રાહકોને આપી છે કેવી રાહત, જાણો વિગતો

એક્સિસ બેંક પણ પોતાના ગ્રાહકોને એટીએમમાંથી ઉપાડની 5 ટ્રાન્ઝેક્શનની મર્યાદમાં છૂટછાટ આપી છે. એટલે કે એક્સિસ બેંકના ગ્રાહકો પણ 31 ડિસેમ્બર સુધી 5થી વધારે ટ્રાન્ઝેક્શન કોઈપણ વધારાના ચાર્જ વગર કરી શકશે. એક્સિસ બેંક પણ સવારે 8 કલાકથી રાત્રે 8 કલાક સુધી એટલે કે 12 કલાક ખુલ્લી રહેશે.

તેવી જ રીતે ICICI બેંક 10 અને 11 નવેમ્બરના રોજ સવારે 8 કલાકથી સાંજે 8 કલાક સુધી એટલે કે 12 કલાક ખુલ્લી રહેશે. ગ્રાહકોના ઘસારાને ધ્યાનમાં રાખતા ICICI બેંકે વધારાના કાઉન્ટર ખોલવાની પણ જાહેરાત કરી છે. ICICI બેંકના ગ્રાહકો માટે એટીએમમાંથી ઉપાડની 5 ટ્રાન્ઝેક્શનની જે મર્યાદા લાદવામાં આવી છે તેમાં પણ રાહત આપવામાં આવી છે. એટલે કે બેંકના ગ્રાહકો 31 ડિસેમ્બર સુધી એક મહિનામાં 5થી વધારે ટ્રાન્ઝેક્શન કોઈપણ ફી વગર કરી શકશે.