Reliance Jioથી પણ મોટી ઓફર લાવી BSNL, માત્ર 9 રૂપિયામાં આખો મહિનો ઇન્ટરનેટ મળશે

નવી દિલ્હીઃ Reliance Jioના સૌથી સસ્તા 4G ઇન્ટરનેટ પ્લાન લોન્ચ કર્યા બાદ ટેલીકોમ કંપનીઓની વચ્ચે ડેટા વોર શરૂ થઈ ગઈ છે. એરટેલ, વોડાફોન બાદ સરકારી ટેલીકોમ કંપની BSNL પણ આ ડેટા વોરમાં કુદી ગઈ છે. Reliance Jioને ટક્કર આપવા માટે BSNL હવે માત્ર 9 રૂપિયામાં આખો મહિનો અમલિમિટેડ બ્રોડબેન્ડ ઇન્ટરનેટની સુવિધા આપી રહી છે.

દરેક મામલે BSNL છે બેસ્ટ: બીએસએનલના જનરલ મેનેજર દીનદયાલ તોષનીવાલે દાવો કર્યો છે કે 9 રૂપિયામાં અનલિમિટેડ ઇન્ટરનેટ સુવિધા દેશભરમાં કોઈપણ ટેલીકોમ કંપની નથી આપી રહી. બીએસએનલે ખાનગી મોબાઈલ ઓપરેટર અને ખુદની સુવિધાની તુલના કરવાનું પણ શરૂ કરી દીધું છે. કંપનીએ તેના માટે ચાર્ટ પણ બનાવ્યો છે, જેમાં અન્ય કંપનીઓના ડેટા ટેરિફ અને તેના ચાર્જ બતાવવામાં આવ્યા છે.

ફ્રી કોલિંગની પણ સુવિધા: બીએસએનલે 9 સપ્ટેમ્રથી અનલિમિટેડ વાયરલાઈન બ્રોડબેન્ડ પ્લાન લોન્ચ કર્યો છે. નવા પ્લાન અંતર્ગત તમે 249 રૂપિયા ચૂકવીને અનલિમિટેડ ઇન્ટરનેટના ઉપયોગની સાથે સાથે ફ્રી કોલિંગની પણ સુવિધા મેળવી શકો છો. આ પ્લાનમાં ફ્રી વોઈસ કોલિંગની સાથે રવિવારેના દિવસે કોઈપણ નેટવર્ક પર ફ્રી કોલિંગ અને અન્ય દિવસે રાત્રે 9 કલાકથી સવારે 7 કલાક સુધી ફ્રી કોલિંગની સુવિધા મળશે.

9 રૂપિયામાં આખો મહિનો ઇન્ટરનેટ ફ્રી: BSNL 9 રૂપિયામાં પોતાના બ્રોડબેન્ડ યૂઝર્સને આખો મહિનો ઇન્ટરનેટ ફ્રીમાં વાપરવાની ઓફર આપી રહી છે. જેમાં તમારે માત્ર 9 રૂપિયા માસિક ચાર્જ ચૂકવવો પડશે જેના બદલામાં આખો મહિને અનલિમિટેડ ઇન્ટરનેટ મળશે. આ ઓફર અંતર્ગત તમને 2 એમબીપીએસની સ્પીડ મળશે, પરંતુ 1 જીબી ડેટાનો વપરાશ કર્યા બાદ ઇન્ટરનેટની સ્પીડ 1 એમબીપીએસ થઈ જશે.