નાણામંત્રીએ બગાડ્યું તમારુ એજ્યુકેશન બજેટ, હવે પહેલા કરતાં આટલો વધુ ચૂકવવો પડશે સેસ

નવી દિલ્હીઃ કેન્દ્રીય નાણામંત્રી અરુણ જેટલીએ વર્ષ 2018-19નું સામાન્ય બજેટ રજૂ કરી દીધું છે. જેટલીએ વડાપ્રધાનને કહેવા પ્રમાણે બજેટને લોકલોભામણી જાહેરાતોથી દુર રાખવામાં આવ્યું, પણ આ બધાની વચ્ચે એજ્યુકેશન પર લગાવેલો સેસ ચર્ચાનો બની ગયો છે, એટલે કે મોદી સરકારે એજ્યુકેશન સેસની ટકાવારી વધારી દીધી છે.

15 લાખ સુધીની આવક પર ટેક્સની ચૂકવણી 2,625 રૂપિયા વધી જશે તકો 5 લાખ રૂપિયાથી 10 લાખ રૂપિયા સુધીની વાર્ષિક આવકવાળાઓ માટે ટેક્સનું ચૂકવણું 1,125 રૂપિયા વધી જશે. 2.25 લાખ રૂપિયા 5 લાખ રૂપિયા સુધીની વાર્ષિક આવક વાળાઓ માટે ટેક્સની ચૂકવણી 125 રૂપિયા વધશે.

અત્યારે દેશભરમાં આવકવેરાના ત્રણ સ્લેબ છે, જેમાં આ બજેટમાં કોઇ ફેરફાર કરવામાં આવ્યો નથી. હાલ 2.5 લાખ રૂપિયા સુધીની વાર્ષિક આવક પર કોઇ ટેક્સ નથી. 2.5 લાખ રૂપિયાથી 5 લાખ રૂપિયાની વાર્ષિક આવક પર 5 ટકા ટેક્સ છે. 5 લાખ રૂપિયાથી 10 લાખ રૂપિયાની વાર્ષિક આવક પર 20 ટકા ટેક્સ અને 10 લાખ રૂપિયાથી વધુની વાર્ષિક આવક પર 30 ટકા ટેક્સ લાગે છે. આમાં કોઇ ફેરફાર કરવામાં નથી આવ્યો.

નોંધનીય છે કે, મધ્યમવર્ગ છેલ્લા બે વર્ષોથી આવકમાં છૂટની આશા રાખી રહ્યો હતો, પણ આ વખતે પણ આ વર્ગની આ આશા પુરી થઇ શકી નથી, વળી એજ્યુકેશન સેસમાં વધારો કરી દેવાતા મુશ્કેલી વધી ગઇ છે.

એટલે કે હવે લોકોએ 3 ટકાની જગ્યાએ 4 ટકા સેસ ચૂકવવો પડશે. અત્યાર સુધી 3 ટકા સેસમાં 2 ટકા એજ્યુકેશન અને 1 ટકા સીનિયર સેકન્ડરી એજ્યુકેશન સેસ લાગતો હતો. 10 લાખ રૂપિયા કે તેનાથી તેનાથી વધુની વાર્ષિક આવક રળનારા લોકો માટે હવે કુલ 34 ટકા ટેક્સ લાગશે.