10 દિવસ બાદ ક્રેડિટ કાર્ડનું બિલ અને ઇન્શ્યોરન્સ પ્રીમિયમ ભરવાનું થઈ જશે મોંઘુ, જાણો શું છે કારણ

નવી દિલ્હીઃ ક્રેડિટ કાર્ડ કંપનીઓ, બેંક અને વીમા કંપનીઓએ એક જુલાઈથી ગુડ્સ એન્ડ સર્વિસીસ ટેક્સ (GST) લાગુ થયા બાદ વધારે ટેક્સ ચૂકવવાને લઈને ચેતવણી મેસેજ મોકલવાનું શરૂ કર્યું છે. હાલમાં આ સેવાઓ પર ગ્રાહકોએ 15 ટકા સર્વિસ ટેક્સ આપવો પડે છે. એક જુલાઈથી તમામ પરોક્ષ કર જેમ કે સર્વિસ ટેક્સ અને વેટ જીએસટીમાં આવરી લેવાશે.

સંસદના ઐતિહાસિક સેન્ટ્રલ હોલમાં 30 જૂનની મધરાતે દેશનું સૌથી મોટું ટેક્સ રીફોર્મ જીએસટી લોન્ચ થશે. આ પ્રસંગે રાષ્ટ્રપતિ પ્રણવ મુખરજી અને વડાપ્રધાન નરેન્દ્ર મોદી હાજર રહેશે. જીએસટી કાઉન્સિલે ગુડ્ઝ એન્ડ સર્વિસીસ માટે ટેક્સ રેટના ચાર સ્લેબ 5 ટકા, 12 ટકા, 18 ટકા અને 28 ટકા નક્કી કર્યા છે.