વોડાફોન અને આઈડિયાનું થશે મર્જર! બનશે દેશની નંબર 1 કંપનીઃ રિપોર્ટ

વોડાફોને હાલમાં જ રિલાયન્સ જિયોને ટક્કર આપવા માટે કેટલીક નવી સ્કીમ્સ પણ લોન્ચ કરી હતી. સપ્ટેમ્બર 2016માં કંપનીએ 47,700 કરોડ રૂપિયા ખર્ચ કર્યા હતા. જ્યારે સપ્ટેમ્બર 2016 સુધી કંપનીની પાસે 20 કરોડ ગ્રાહકો હતા. ઉલ્લેખનીય છે કે, રિલાયન્સ જિયોએ પોતાની ફ્રી વોયસ કોલિંગ અને ડેટા સર્વિસીસને 31 ડિસેમ્બર 2016થી વધારીને 31 માર્ચ 2017 સુધી કરી દીધી છે.

જો મર્જર થાય તો નવી કંપનીની પાસે સૌથી વધારે 39 કરોડ સબ્સક્રાઈબર્સ હશે. હાલમાં નંબર વન કંપની એરટેલની પાસે 27 કરોડ અને રિલાયન્સ જિયોની પાસે 7.2 કરોડ ગ્રાહક છે. ઉપરાંત કુલ આવકમાં બજાર હિસ્સો 40 ટકા હશે, જ્યારે એરટેલનો બજાર હિસ્સો 32 ટકા છે.