મારૂતિની ન્યુ અર્ટિગાનું બુકિંગ શરૂ, જાણો જૂની અર્ટિગા કરતાં આ કાર કઈ રીતે છે અલગ?

મારુતિ સુઝુકીની અર્ટિગાની બીજી જનરેશનને ખૂબ જ સ્ટાઈલિશ બનાવવામાં આવી છે. તેને સ્પોર્ટી બનાવવામાં આવી છે. નવી અર્ટિગોને L, V, Z અને Z+ નામના ચાર વેરિયન્ટમાં લોન્ચ કરવામાં આવશે. નવી અર્ટિગામાં 1.5 લિટર પેટ્રોલ એન્જિન છે. આ જ એન્જિન સિયાઝમાં પણ છે. ડીઝલ એન્જિન જૂના મોડલવાળા 1.3 લિટર મલ્ટીજેટ જ રહેશે. બન્ને એન્જિનની સાથે 5 સ્પીડ મેન્યુઅલ ટ્રાન્સમિશન આપવામાં આવ્યું છે. પેટ્રોલ એન્જિન 105 પીએસના પાવર અને 138 એનએમ ટોર્ક જનરેટ કરે છે.

મારુતિની નવી અર્ટિગાના ફ્રન્ટમાં બોનટ પર શાર્પ કોર્નર તેને વધારે સ્ટાઈલિશ બનાવે છે. એલઈડીની સાથે 3ડી ટેલ લેમ્પ આપવામાં આવ્યા છે. નવી અર્ટિગાના ઇન્ટીરિયરને રોયર બનાવવામાં આવ્યા છે. ડૈશબોર્ડ પર વુડ ફિનિશિંગ અને કનેક્ટેડ વેન્ટ્સ આપવામાં આવ્યા છે. તેમાં ઓટોમેટિક ક્લાઈમેટ કન્ટ્રોલ ફીચર આપવામાં આવ્યું છે.