BitCoin બાદ હવે JioCoinની તૈયારી, આ છે રિલાયન્સની યોજના

કહેવાય છે કે રિલાયન્સ જિઓએ આ નિર્ણય વિશ્વભરમાં ક્રિપ્ટ કરન્સીના વધતા ચલણને ધ્યાનમાં રાખીને લીધો છે. મુકેશ અંબાણીના મોટા દીકરા આકાશ અંબાણીના નેતૃત્વમાં બનનારી ટીમ ક્રિપ્ટોકરન્સી માટે જરૂરી બ્લોકચેનનું નિર્માણ કરશે અને તેની ટેક્નીકલી મુદ્દાઓ પર નજર રાખશે. આ સપ્લાઈ ચેનમાં સામેલ થનારા જિઓકોઈનના માધ્યમથી ખરીદ-વેચાણ કરી શકશે.

લાઈવ મિન્ટમાં પ્રકાશિત અહેવાલ અનુસાર આકાશ અંબાણીની આગેવાનીમાં 50 પ્રોફેશનલોની ટીમ બનાવવામાં આવી રહી છે. આ ટીમની સરેરાશ ઉંમર 25 વર્ષ હશે. જોકે આ કંપની તરફથી આ મુદ્દે કંઈપણ કહેવામાં આવ્યું નથી.