72 વર્ષમાં રૂપિયો પ્રથમ વખત 70ને કરી ગયો પાર, છતાં સરકાર કહે છે ચિંતાની નથી વાત, જાણો કેમ

આર્થિક બાબતોના સચિવ સુભાષ ચંદ્ર ગર્ગે રૂપિયામાં ચાલુ રહેલા ઐતિહાસિક ઘટાડા પર સરકારનો પક્ષ રાખતાં કહ્યું, હાલ સ્થિતિ ચિંતાજનક નથી. આ ઘટાડો બાહ્ય કારણોથી થઈ રહ્યો છે. તેમાં આગળ જતાં સુધારાની આશા છે.

રૂપિયો ગબડવાનું કારણ અમેરિકા અને તુર્કીની વચ્ચે ચાલી રહેલ ટ્રેડ ઓવરની અસરને માનવામાં આવે છે. હાલમાં જ અમેરિકાએ તુર્કી સાથે પોતાના બગડતા સંબંધોની વચ્ચે નવી ટેક્સ નીતિની જાહેરાત કરી છે. અમેરિકાની નવી નીતિ અનુસાર તુર્કી માટે સ્ટીલ અને એલ્યુમિનિયમની આયાત પર લાગતો ટેક્સ બે ગણો કરવામાં આવ્યો છે. એલ્યુમિનિયમ પર હવે તુર્કીને 20 ટકા અને સ્ટીલ પર 50 ટકા ટેક્સ આપવો પડશે.