જૂન મહિનાથી TV, ફ્રિઝ ખરીદવું થઈ શકે છે મોંઘુ, આ કારણે વધશે ભાવ

નવી દિલ્હીઃ જૂન મહિનાથી ટેલીવિઝન, ફ્રિઝ અને વોશિંગ મશીન સહિત અન્ય વસ્તુઓ ખરીદવી મોંઘી થઈ શકે છે. કન્ઝ્યૂમર ડ્યૂરેબલ ફર્મ્સે આ વાતના સંકેત આપ્યા છે. ક્રૂડ ઓઈલના સતત વધતા ભાવ અને રૂપિયામાં ઘટાડાની અસર આ પ્રોડક્ટના ભાવ વધારા તરીકે સામે આવી શકે છે.

વ્હર્લપૂલ ઈન્ડિયા પહેલા ગોદરેજ એપ્લાયન્સેસે પણ જૂનથી તેની પ્રોડક્ટના ભાવ વધારવાના સંકેત આપ્યા હતા. ગત મહિને 29 એપ્રિલે કંપનીએ કહ્યું હતું કે જૂનથી ઉત્પાદનના ભાવ વધારવો જરૂરી થઈ ગયો છે. ક્રૂડ ઓઈલની કિંમતમાં સતત વધારો થઈ રહ્યો છે. આ ઉપરાંત ડોલર સામે રૂપિયો પણ નબળો પડી રહ્યો છે.