અદાણી ઈન્ટરનેશનલ સ્કૂલે ISSO સાથે કરી ભાગીદારી, ભારતમાં સ્કૂલ સ્પોર્ટ્સને મળશે ગ્લોબલ પ્લેટફોર્મ

ભારતમાં આંતરરાષ્ટ્રીય શાળાઓના વિદ્યાર્થીઓ માટે રમતગમતનું સ્તર વધારવા માટે અદાણી ઇન્ટરનેશનલ સ્કૂલે ઇન્ટરનેશનલ સ્કૂલ સ્પોર્ટ્સ ઓર્ગેનાઇઝેશન (ISSO) સાથે હાથ મિલાવ્યા છે.

અદાણી ઈન્ટરનેશનલ સ્કૂલે ISSO સાથે કરી ભાગીદારી

Source : તસવીર- ABP

Adani International School and ISSO Collaboration: ભારતમાં આંતરરાષ્ટ્રીય શાળાઓના વિદ્યાર્થીઓ માટે રમતગમતનું સ્તર વધારવા માટે અદાણી ઇન્ટરનેશનલ સ્કૂલે ઇન્ટરનેશનલ સ્કૂલ સ્પોર્ટ્સ ઓર્ગેનાઇઝેશન (ISSO) સાથે હાથ મિલાવ્યા છે. આ ભાગીદારીનો ઉદ્દેશ્ય દેશભરની શાળાઓમાં રમતગમતનું વધુ સારું માળખું, તાલીમ પૂરી પાડવાનો અને વિદ્યાર્થીઓને રાષ્ટ્રીય અને આંતરરાષ્ટ્રીય સ્પર્ધાઓમાં ભાગ લેવાની તક આપવાનો છે. આ પહેલમાં અદાણી ઇન્ટરનેશનલ સ્કૂલના પ્રમોટર નમ્રતા અદાણી, ISSO ના સલાહકાર બોર્ડમાં જોડાઈને આ મિશનને આગળ ધપાવી રહ્યા છે.

ISSO શું છે ?

ISSO એ ભારતમાં આંતરરાષ્ટ્રીય શાળાઓ માટેનું મુખ્ય રમતગમત સંગઠન છે. તે સ્કૂલોને IB,  Cambridge, Edexcel  જેવા વૈશ્વિક બોર્ડ મુજબ શાળાઓને રમતગમત શિક્ષણમાં મદદ કરે છે. અત્યાર સુધીમાં, વાર્ષિક 430 થી વધુ શાળાઓ, 22 રમતગમત શ્રેણીઓ અને 300 થી વધુ ટુર્નામેન્ટનું આયોજન કરવામાં આવ્યું છે. આનાથી 22,000 થી વધુ વિદ્યાર્થીઓને ફાયદો થયો છે.

અદાણી ઇન્ટરનેશનલ સ્કૂલનું યોગદાન

• અદાણી ઇન્ટરનેશનલ સ્કૂલ, જે બાળકોના સર્વાંગી વિકાસ પર ભાર મૂકે છે, આ ભાગીદારી દ્વારા રમતગમતના માળખાને વધુ મજબૂત બનાવશે.
• એથલીટ તાલીમને પ્રોત્સાહન આપશે.
• વિદ્યાર્થીઓને વૈશ્વિક રમતગમત કાર્યક્રમોમાં ભાગ લેવાની તકો આપશે.
• શાળાનું માનવું છે કે શૈક્ષણિક શ્રેષ્ઠતા અને શારીરિક શિક્ષણ એકસાથે ચાલે અને આ વિચારસરણી ISSO ના મિશન સાથે સંપૂર્ણપણે મેળ ખાય છે.

વિઝન શું છે ?

ISSO ના ડિરેક્ટર આકાંક્ષા થપકે કહ્યું, નમ્રતા અદાણી અને અદાણી ગ્રુપનું સ્વાગત છે. ISSO એ આંતરરાષ્ટ્રીય શાળાઓના વિદ્યાર્થીઓ માટે રમતગમતનો યોગ્ય રસ્તો બનાવ્યો છે. અદાણીના નેતૃત્વ સાથે અમે વધુ વિદ્યાર્થીઓ સુધી પહોંચીશું અને નવી તકો ખોલીશું. નમ્રતા અદાણીએ કહ્યું, અમે ઇચ્છીએ છીએ કે વિદ્યાર્થીઓને અભ્યાસ અને રમતગમત બંનેમાં પ્રગતિ કરવાની તક મળે. આ ભાગીદારીથી અમે શાળાઓમાં વધુ સારું રમતગમત વાતાવરણ અને તેમના સપનાઓને પૂર્ણ કરવાની તક પૂરી પાડીશું.

વિદ્યાર્થીઓને વૈશ્વિક રમતગમત સ્પર્ધાઓ સુધી પહોંચવાની તક મળશે

ISSO ની IBSO શાખા હજારો વિદ્યાર્થીઓને SGFI Nationals, Khelo India Games, Subroto Cup  અને ISF વર્લ્ડ ચેમ્પિયનશિપ જેવા મોટા પ્લેટફોર્મ પર લઈ ગઈ છે. આ ભાગીદારી વિદ્યાર્થીઓને પારદર્શક અને વ્યવસાયિક રીતે સંચાલિત ટુર્નામેન્ટ કરવાની તક પૂરી પાડશે, જે તેમને યુનિવર્સિટીઓમાં પ્રવેશ મેળવવામાં પણ મદદ કરશે.