Bank Jobs 2021: આ સરકારી બેંક કરશે સ્પેશલિસ્ટ સિક્યોરિટી ઓફિસરની ભરતી, મળશે તગડો પગાર

Bank Jobs 2021: નોટિફિકેશન અનુસાર, અરજી પ્રક્રિયા 24 ડિસેમ્બર, 2021થી શરૂ કરવામાં આવશે. જે 7મી જાન્યુઆરી 2022 સુધી ચાલશે.

Jobs

Bank Jobs 2021: બેંક ઓફ ઈન્ડિયા ઘણી જગ્યાઓ પર ભરતી કરવા જઈ રહી છે. જે લોકો સરકારી બેંક નોકરીઓમાં નોકરીની તકો શોધી રહ્યા છે તેમના માટે આ એક સારી તક છે. બેંક ઓફ ઈન્ડિયા દ્વારા જારી કરાયેલા નોટિફિકેશન મુજબ, સ્પેશિયાલિસ્ટ સિક્યોરિટી ઓફિસર (SSO) ની કુલ 25 જગ્યાઓ પર ભરતી થવાની છે. બેંક ઓફ ઈન્ડિયા દ્વારા 22 ડિસેમ્બરે જાહેર કરેલા નોટિફિકેશન અનુસાર, અરજી પ્રક્રિયા 24 ડિસેમ્બર, 2021થી શરૂ કરવામાં આવશે. જે 7મી જાન્યુઆરી 2022 સુધી ચાલશે. રસ ધરાવતા ઉમેદવારો બેંકની સત્તાવાર વેબસાઈટ bankofindia.co.in પર જઈને અરજી ફોર્મ ભરીને સબમિટ કરી શકે છે.

અરજી પ્રક્રિયા અને ફી

બેન્ક ઓફ ઇન્ડિયા સ્પેશિયાલિસ્ટ સિક્યોરિટી ઓફિસર પોસ્ટ માટે અરજી કરવા bankofindia.co.in ની મુલાકાત લો. એપ્લિકેશન લિંક 24 ડિસેમ્બરે હોમ પેજ પર એક્ટિવ થશે. આ લિંક પર ક્લિક કરીને તમે પૂછવામાં આવેલી માહિતી ભરો અને અરજી ફોર્મ સબમિટ કરો. અરજી કરતી વખતે તમારે ફી પણ ચૂકવવી પડશે. જે રૂ.850 છે. જોકે, SC/ST ઉમેદવારો માટે ફીની રકમ 175 રૂપિયા રાખવામાં આવી છે. આ ચુકવણી માત્ર ઓનલાઈન દ્વારા કરવામાં આવશે.

કેટલી જગ્યા પર થવાની છે ભરતી

મિડલ મેનેજમેન્ટ ગ્રેડ/સ્કેલ II માં સ્પેશિયાલિસ્ટ સિક્યોરિટી ઓફિસરની કુલ 25 જગ્યાઓ પર ભરતી થવાની છે. જેમાંથી 11 જગ્યાઓ બિન અનામત છે. 9 OBC માટે, 2-2 SC અને ST માટે અને 1 EWS કેટેગરીના ઉમેદવારો માટે અનામત છે.

વય મર્યાદા

સ્પેશિયાલિસ્ટ સિક્યોરિટી ઓફિસરની પોસ્ટ માટે જેમણે માન્યતા પ્રાપ્ત યુનિવર્સિટીમાંથી કોઈપણ વિદ્યાશાખામાં સ્નાતક કર્યું હોય તેવા ઉમેદવારો અરજી કરી શકે છે. આ સિવાય ઓછામાં ઓછો ત્રણ મહિનાનો કોમ્પ્યુટર કોર્સ અથવા આઈટી કોર્સ પણ કરવો જોઈએ. અને વય મર્યાદા 25 વર્ષથી ઓછી અને 40 વર્ષથી વધુ ન હોવી જોઈએ. અનામત વર્ગના ઉમેદવારોને ઉપલી વય મર્યાદામાં છૂટછાટ આપવામાં આવશે.