દુનિયાની દિગ્ગજ કંપનીનો મોટો પ્લાન, ભારતમાં કરશે 1200 લોકોની ભરતી

એસેટ મેનેજર બ્લેકરોક ભારતમાં ઘણા લોકોને રોજગારી આપવાની યોજના બનાવી રહી છે

પ્રતિકાત્મક તસવીર

 એસેટ મેનેજર બ્લેકરોક ભારતમાં ઘણા લોકોને રોજગારી આપવાની યોજના બનાવી રહી છે. બ્લેકરોક દેશમાં બે સપોર્ટ હબનો વિસ્તાર કરવાની યોજના ધરાવે છે. જેના માટે અંદાજે 1200  કર્મચારીઓને નોકરી આપવામાં આવી શકે છે. બ્લૂમબર્ગના સૂત્રોના જણાવ્યા અનુસાર, ગુરુગ્રામ અને મુંબઈમાં iHubs છે.

આ ફર્મની યોજના

ઇકોનોમિક્સ ટાઇમ્સના રિપોર્ટ અનુસાર,  બ્લેકરોકને ડેટા ફર્મ પ્રીકિનની ખરીદીના માધ્યમથી બેંગલુરુ ગ્લોબલ કેપેબિલિટીઝ સેન્ટરનું સંચાલન કરવા માટે  1,500 કર્મચારીઓ સાથે કામ કરવામાં આવશે.

આર્ટિફિશિયલ ઇન્ટેલિજન્સ ટીમ માટે પણ ભરતી કરાઇ શકે છે

હાલમાં બ્લેકરોક મુંબઈ અને ગુરુગ્રામ સ્થિત તેના iHubs માટે કર્મચારીઓની ભરતી કરવાની યોજના બનાવી રહી છે. જે પછી તેમના કર્મચારીઓની કુલ સંખ્યા 3500ની આસપાસ પહોંચી જશે. પરંતુ આ પછી બ્લેકરોક AI ટીમ માટે ડેટા નિષ્ણાતો અને એન્જિનિયરોની નિમણૂક પણ કરી શકે છે. જોકે, અત્યાર સુધી બ્લેકરોકના પ્રવક્તાઓ દ્વારા ભરતી અંગે કોઈ માહિતી આપવામાં આવી નથી.

બ્લેકરોક શું કરે છે?

બ્લેકરોક રિસ્ક મેનેજમેન્ટ iHubs ઇન્વેસ્ટમેન્ટ રિસર્ચ, ફાઇનાન્શિયલ એન્જિનિયરિંગ, ડેટા એનાલિટિક્સ અને બિઝનેસ ઓપરેશન્સ સંબંધિત પ્રોડક્ટ્સ અને સેવાઓ પ્રદાન કરે છે. તેઓ પોતાની ક્ષમતાઓ વધારવા માટે AI નો પણ ઉપયોગ કરે છે. તેથી ભારતમાં પણ AI ટીમના કર્મચારીઓની નિમણૂક કરી શકાય છે. તેની વિસ્તરણ યોજનાઓના ભાગ રૂપે બ્લેકરોકે ડેવલપર ઓબેરોય રિયલ્ટી પાસેથી ગોરેગાંવ, મુંબઈમાં એક વધારાની ઓફિસ લગભગ 400 કરોડ રૂપિયામાં ભાડે લીધી છે.

ભારત ગ્લોબલ કેપેબિલિટી સેન્ટરનું કેન્દ્ર બની રહ્યું છે

હવે ભારતમાં ગ્લોબલ કેપેબિલિટી સેન્ટર્સની સંખ્યા સતત વધી રહી છે. આ મારફતે બેન્કો, દવા કંપનીઓથી લઇને અલગ અલગ સેક્ટર્સની કંપનીઓ માટે એન્જિનિયરીંગ અને વકીલ સેવાઓ આપે છે.

 ધોરણ-10 પાસ માટે રેલવેમાં બમ્પર ભરતી

રેલવે ભરતી બૉર્ડે ગુરુવાર, ૨૩ જાન્યુઆરી, ૨૦૨૫ થી ૭મા સીપીસી પે મેટ્રિક્સના લેવલ ૧ માટે ૩૨,૦૦૦ થી વધુ જગ્યાઓ માટે ભરતી પ્રક્રિયા શરૂ કરી દીધી છે. આ ભરતી પ્રક્રિયા માટે અરજી કરવા માંગતા ઉમેદવારો રેલ્વે ભરતી બોર્ડની સત્તાવાર વેબસાઇટની મુલાકાત લઈને અરજી કરી શકે છે. અરજી કરવાની છેલ્લી તારીખ 22 ફેબ્રુઆરી 2025 છે. આ ઉપરાંત ઉમેદવારો 23 ફેબ્રુઆરીથી 24 ફેબ્રુઆરી 2025 સુધી અરજી ફી ચૂકવી શકે છે.