Schools Summer Vacation 2022: હીટવેવના કારણે આ રાજ્યોએ સમય પહેલા જ જાહેર કર્યુ ઉનાળુ વેકેશન. સ્કૂલોના સમયમાં બદલાવ

દેશભરમાં કાળઝાળ ગરમી વચ્ચે ઘણા રાજ્યોએ તેમની શાળાના સમયમાં ફેરફાર કર્યો છે. જ્યારે કેટલાક રાજ્યોએ શાળાનો સમય સવારે 7 વાગ્યાથી શરૂ કરી દીધો છે, જ્યારે અન્ય રાજ્યોએ શાળાઓમાં ઉનાળુ વેકેશન જાહેર કર્યું છે

તસવીરનો ઉપયોગ પ્રસ્તુતિકરણ માટે કરવામાં આવ્યો છે.

Summer Vacation: દેશભરમાં કાળઝાળ ગરમી વચ્ચે ઘણા રાજ્યોએ તેમની શાળાના સમયમાં ફેરફાર કર્યો છે. જ્યારે કેટલાક રાજ્યોએ શાળાનો સમય સવારે 7 વાગ્યાથી શરૂ કરી દીધો છે, જ્યારે અન્ય રાજ્યોએ શાળાઓમાં ઉનાળુ વેકેશન જાહેર કર્યું છે. કેન્દ્રએ લોકોને બપોરે 12 થી 3 વાગ્યા વચ્ચે તડકામાં બહાર જવાનું ટાળવાની સલાહ પણ આપી છે,  રાજ્યો/કેન્દ્રશાસિત પ્રદેશોને લખેલા પત્રમાં, કેન્દ્રીય આરોગ્ય સચિવ રાજેશ ભૂષણે જણાવ્યું હતું કે ભારતી હવામાન વિભાગ (IMD) તેમજ NCDC દ્વારા રાજ્યો સાથે શેર કરવામાં આવતી દૈનિક ગરમીની ચેતવણીઓ અનુસાર આગામી ત્રણથી ચાર દિવસ સુધી હીટવેવ ચાલુ રહેશે અને કદાચ તે આગળ વધી શકે છે.

પંજાબઃ પંજાબની શાળાઓમાં 14 મેથી પંજાબની શાળાઓમાં ઉનાળુ વેકેશન 2022 શરૂ થઈ ગયું છે. પંજાબના મુખ્યમંત્રી ભગવંત માને પોતાના એક ટ્વિટમાં કહ્યું કે હીટવેવના કારણે પંજાબની તમામ શાળાઓમાં 14 મેથી ઉનાળુ વેકેશન શરૂ થશે. છેલ્લા ઘણા દિવસોથી પંજાબ અને હરિયાણામાં તાપમાન ચરમસીમાએ છે.

દિલ્હી: દિલ્હીની શાળાઓમાં ઉનાળુ વેકેશન 18 જૂનથી 28 જૂન સુધી રહેશે. દિલ્હી સરકારે 18 જૂન, 2022 સુધી દિલ્હીની શાળાઓની ઉનાળાની રજાઓ સ્થગિત કરી દીધી છે. હકીકતમાં, દિલ્હી ડિરેક્ટોરેટ ઑફ એજ્યુકેશન (DOE)ના અધિકારીઓનું કહેવું છે કે કોરોનાને કારણે વિદ્યાર્થીઓના અભ્યાસમાં નુકસાન થયું છે અને તેની ભરપાઈ કરવી જરૂરી છે. તેથી, 11 મેથી યોજાનાર ઉનાળુ વેકેશન 18 જૂન સુધી મોકૂફ રાખવામાં આવ્યું હતું.

આંધ્ર પ્રદેશઃ આંધ્રપ્રદેશની શાળાઓમાં ઉનાળુ વેકેશન શરૂ થઈ ગયું છે. આંધ્રપ્રદેશના શિક્ષણ કમિશનર એસ સુરેશ કુમારે જણાવ્યું હતું કે આંધ્રપ્રદેશની શાળાઓમાં શાળાઓમાં ઉનાળુ વેકેશન 6 મેથી શરૂ થશે. નવું શૈક્ષણિક વર્ષ 2022-23 4 જુલાઈથી શરૂ થશે

રાજસ્થાનઃ રાજસ્થાનના ઘણા જિલ્લાઓમાં જયપુર, અજમેર, સીકર, ચુરુ અને જોધપુર વગેરેમાં તાપમાન 45 ડિગ્રી સેલ્સિયસ નોંધાયા બાદ શાળાના સમયમાં ફેરફાર કરવામાં આવ્યો છે. જયપુર જિલ્લામાં ધોરણ 1 થી 8 માટે શાળાનો સમય સવારે 7:30 થી 11 સુધી નક્કી કરવામાં આવ્યો છે.

મહારાષ્ટ્રઃ મહારાષ્ટ્રમાં 2 મેથી શાળાઓમાં ઉનાળુ વેકેશન શરૂ થઈ ગયું છે, જે 12 જૂન સુધી ચાલશે. અહેવાલો અનુસાર, નવું શૈક્ષણિક સત્ર 13 જૂનથી શરૂ થશે.

પશ્ચિમ બંગાળઃ પશ્ચિમ બંગાળમાં 2 મેથી ઉનાળું વેકેશનની જાહેરાત કરવામાં આવી છે.

હરિયાણાઃ હરિયાણામાં ઉનાળાના કારણે સ્કૂલના સમયમાં ફેરફાર કર્યા છે. શાળાનો સમય સવારે 7 થી બપોરે 12 સુધીનો કરવામાં આવ્યો છે. ઉત્તર પ્રદેશ અને છત્તીસગઢમાં પણ આમ કરવામાં આવ્યું છે.

ગુજરાતઃ ગુજરાતમાં હાલ શાળોમાં વેકેશન ચાલી રહ્યું છે. રાજ્યમાં જૂન મહિનાથી શૈક્ષણિક કાર્ય શરૂ થશે.