શોધખોળ કરો

ગુજરાતમાં ભાજપનો અંદાજ કાચો પડ્યો, માત્ર 4 બેઠક પર 5 લાખથી વધુની લીડ મળી, 1 બેઠક ગુમાવી

ગુજરાત ભાજપ પ્રદેશ પ્રમુખ સી.આર. પાટીલે કહ્યું, શાંતિપૂર્ણ મતદાન અને મતગણતરીની પ્રક્રિયા પૂર્ણ થવા બદલ સૌનો આભાર. કમનસીબે થોડી મહેનત ઓછી પડી હશે, અમારી ક્યાંક ભૂલ રહી હશે.

By : gujarati.abplive.com | Updated at : 05 Jun 2024 02:13 PM (IST)

ગુજરાતમાં ભાજપનો અંદાજ કાચો પડ્યો

Lok Sabha Elections Results 2024: ગુજરાતની તમામ 26 બેઠકો પર સત્તાવાર પરિણામ જાહેર થયું છે. ગુજરાતમાં ભાજપ 25 બેઠક પર વિજય મેળવવામાં સફળ રહી હતી, જ્યારે બનાસકાંઠા બેઠક કોંગ્રેસને મળી હતી. ચૂંટણી પહેલા ગુજરાત ભાજપ અધ્યક્ષ સી.આર. પાટીલે તમામ સીટ પર 5 લાખ લીડથી જીતવાનો સંકલ્પ કર્યો હતો. જોકે આ ચૂંટણીમાં ભાજપ માત્ર 4 બેઠક પર જ 5 લાખથી વધુની લીડથી જીતી શક્યું છે. સાથે જ બનાસકાંઠાની એક સીટ ગુમાવવાનો વારો પણ આવ્યો છે, જ્યાં કોંગ્રેસના ગેનીબેન ઠાકોરની જીત થઈ છે.

ગુજરાત ભાજપ પ્રદેશ પ્રમુખ સી.આર. પાટીલે કહ્યું, શાંતિપૂર્ણ મતદાન અને મતગણતરીની પ્રક્રિયા પૂર્ણ થવા બદલ સૌનો આભાર. કમનસીબે થોડી મહેનત ઓછી પડી હશે, અમારી ક્યાંક ભૂલ રહી હશે. એક સીટ હાર્યા એના કારણો શોધવાનો પ્રમાણિક પ્રયાસ કરીશું. 31000 જેટલા મતથી હાર્યા એના કારણો શોધી પ્રયાસ કરીશું, 1 સીટ હારવાનો અફસોસ છે પણ 24 સાઈટ જીતવાનો આનંદ છે. 4 સીટ 5 લાખથી વધુની લીડ મળી. સાબરકાંઠા સિવાય બધે જ એક લાખ ઉપરાંતની લીડથી જીત્યા છીએ. મતદારોનો આભાર માનીએ છીએ. ભાજપ પર લોકોના ભરોસાની આ જીત છે. રાજકોટમાં થયેલા અગ્નિ કાંડને લઇ અમે કોઈ ઉજવણી કરવાના નથી, અમે એમના દુઃખમાં સહ ભાગી થઈ રહ્યા છીએ.

5 લાખથી વધુ લીડ સાથે કઈ બેઠક પર મળી જીત

ગાંધીનગરથી અમિત શાહનો 7,44,716 મતથી વિજય

નવસારીથી પાટીલનો 7,73,551 મતથી વિજય

પંચમહાલ બેઠક પર રાજપાલસિંહનો 5,09,342 મતથી વિજય

વડોદરાથી હેમાંગ જોશીનો 5,82,126 મતથી વિજય

આ બેઠક પર 5 લાખ કરતાં ઓછી લીડથી મળી જીત

કચ્છથી વિનોદ ચાવડાનો 2 લાખ 68 હજાર 782 મતથી વિજય

મહેસાણાથી હરિભાઈ પટેલનો 3 લાખ 28 હજાર 46 મતથી વિજય

સાબરકાંઠાથી શોભનાબેન બારૈયાનો 1,55,682 મતથી વિજય

અમદાવાદ પૂર્વથી હસમુખ પટેલનો 4,61,755 મતથી વિજય

અમદાવાદ પશ્ચિમથી દિનેશ મકવાણાનો 2,86,437 મતથી વિજય

રાજકોટથી પરશોત્તમ રૂપાલાનો 4,84,260 મતથી વિજય