Lok Sabha Elections 2024: રાહુલ અને અખિલેશની સભામાં હંગામો, પરિસ્થિતિ એટલી વણસી કે બન્ને નેતાઓ સ્ટેજ છોડી જતા રહ્યા
Lok Sabha Elections 2024: લોકસભા ચૂંટણી 2024 માટે પ્રચાર કરી રહેલા રાહુલ ગાંધી અને અખિલેશ યાદવની બેઠકમાં એટલો બધો હંગામો થયો કે પરિસ્થિતિ કાબૂ બહાર થઈ ગઈ. એટલું જ નહીં કાર્યકરો પણ સ્ટેજ પર પહોંચી ગયા હતા.
Ruckus In Prayagraj: ઉત્તર પ્રદેશના પ્રયાગરાજમાં I.N.D.I.A ગઠબંધનની જાહેર સભા યોજાવાની હતી, જેમાં કોંગ્રેસ નેતા રાહુલ ગાંધી અને સપા પ્રમુખ અખિલેશ યાદવ હાજરી આપવાના હતા, પરંતુ સભામાં ભારે હંગામાને કારણે આ બેઠક થઈ શકી ન હતી. આ દરમિયાન ભીડ બેકાબૂ થઈ ગઈ હતી. ટોળાએ સ્ટેજની આસપાસ લગાવેલા બેરિકેડ્સને તોડી નાખ્યા હતા. આ દરમિયાન રેલી સ્થળ પર નાસભાગ જેવો માહોલ જોવા મળ્યો હતો.
#WATCH | Uttar Pradesh: A stampede-like situation took place in the joint public meeting of Congress MP Rahul Gandhi and Samajwadi Party chief Akhilesh Yadav at Phulpur constituency, in Prayagraj.
— ANI (@ANI) May 19, 2024
Rahul Gandhi and Akhilesh Yadav left the public meeting without addressing the… pic.twitter.com/fPW2tgaWOP
બંને નેતાઓ આવતાની સાથે જ કાર્યકરો બેકાબૂ બની ગયા હતા અને નેતાઓના મંચ સુધી પહોંચી ગયા હતા. હંગામો એટલો જોરદાર હતો કે રાહુલ ગાંધી અને અખિલેશ યાદવ કોઈ ભાષણ આપ્યા વિના જ સ્થળ પરથી નીકળી ગયા હતા. ફુલપુર લોકસભા સીટ પર રાહુલ અને અખિલેશની સંયુક્ત જાહેર સભા યોજાવાની હતી. હંગામામાં ઘણા લોકો ઘાયલ પણ થયા હતા. આ સાથે મીડિયા કર્મચારીઓના કેમેરા સ્ટેન્ડ પણ તોડી નાખવામાં આવ્યા હતા. અગાઉ, રાંચીમાં પણ I.N.D.I.A. બ્લોકની બેઠકમાં હંગામો થયો હતો, જેમાં બે જૂથના કાર્યકરો એકબીજા સામે આવી ગયા હતા અને ઉગ્ર ઝપાઝપી થઈ હતી.
ફુલપુર બાદ પ્રયાગરાજમાં ઈન્ડિયા બ્લોકની સંયુક્ત રેલી યોજાઈ હતી. અહીં રાહુલ ગાંધી પહેલાથી જ મંચ પર હાજર હતા, થોડી વાર પછી અખિલેશ યાદવ પણ મંચ પર પહોંચ્યા. આ પછી મેદાન પર હાજર કાર્યકરો આગળ વધવા લાગ્યા. જ્યારે આ બન્યું ત્યારે મંચ પરથી કહેવામાં આવ્યું હતું કે કાર્યકરોએ સંયમ જાળવવો અને બેરિકેડ તોડવો નહીં. સભાને સુચારૂ રીતે ચાલવા દો, પરંતુ કાર્યકરોના ટોળાએ બેરિકેડ તોડીને સ્ટેજની નજીક પહોંચી ગયા હતા.
અમિત શાહે પ્રયાગરાજમાં I.N.D.I.A ગઠબંધન પર નિશાન સાધ્યું
તે જ સમયે, રવિવારે કેન્દ્રીય ગૃહ પ્રધાન અમિત શાહે પણ પ્રયાગરાજમાં એક રેલીને સંબોધિત કરી હતી. આ દરમિયાન તેમણે કહ્યું કે જે લોકોને દેશમાં મજબૂત વડાપ્રધાન જોઈએ છે, તેમણે કમળનું બટન દબાવીને પીએમ મોદીના હાથ મજબૂત કરવા જોઈએ. પ્રયાગરાજના સોરાઉનમાં એક જાહેર સભાને સંબોધતા અમિત શાહે કહ્યું કે I.N.D.I.A ગઠબંધન પાસે વડાપ્રધાન પદ માટે કોઈ ઉમેદવાર નથી. તેઓ પાંચ વર્ષમાં પાંચ વડાપ્રધાનો સાથે પ્રયોગ કરવાની તૈયારી કરી રહ્યા છે.
ટોપ સ્ટોરી
ટ્રેન્ડિંગ સમાચાર
