વેન્ટિલેટર પર છે આ જાણીતી એક્ટ્રેસ, જીવન-મરણ વચ્ચે ખાઈ રહી છે ઝોલા

વિદ્યાને એન્જિયોગ્રાફી કરવાની સલાહ આપવામાં આવી હતી પરંતુ આ માટે તેના સંબંધીઓ સહમત થયા નહીં.

નવી દિલ્હીઃ બોલિવૂડ એક્ટ્રેસ વિદ્યા સિંહા વિશે એક ચોંકાવનારા સમાચાર સામે આવ્યા છે. તેને ગંભીર હાલતમાં મુંબઈની ક્રિટિકેયર હોસ્પિટલમાં ભરતી કરાવવામાં આવી છે. અહેવાલ છે કે, તે વેન્ટિલેટર પર છે. આ હોસ્પિટલ મુંબઈના જૂહુમાં આવેલ છે. તેના ફેન્સ પ્રાર્થના કરી રહ્યા છે કે વિદ્યા સિન્હા ટૂંકમાં જ સ્વસ્થ્ય થઈને પરત ઘરે ફરશે. જોકે તેની તબિયને લઈને સત્તાવાર કોઈ માહિતી સામે આવી નથી, પરંતુ મીડિયા અહેવાલ અનુસાર તેઓ હૃદય અને ફેફસા સાથે જોડાયેલી બીમારી સામે ઝઝુમી રહ્યા છે. ફેફસા સાથે જોડાયેલી સમસ્યા તેમને ઘણા વર્ષ પહેલા થઈ હતી પરંતુ આ વખતે તે વધી ગઈ છે. સ્પોર્ટબોયે પોતાના રિપોર્ટમાં સૂત્રોએ આપેલી માહિતી પ્રમાણે કહ્યું કે વિદ્યાને એન્જિયોગ્રાફી કરવાની સલાહ આપવામાં આવી હતી પરંતુ આ માટે તેના સંબંધીઓ સહમત થયા નહીં. વિદ્યા સિન્હાના કામની વાત કરીએ તો તેઓ રજનીગંધા, તુમ્હારે લિયે, છોટી સી બાત, મુક્તિ, ઈનકાર, સ્વયંવર, મગરુર અને સફેદ જૂઠ જેવી ફિલ્મોમાં કામ કરી ચૂક્યા છે.