IRaH Trailer: શું એઆઇ ભવિષ્યમાં થઇ જશે આટલું ખતરનાક ? રિલીઝ થઇ 'આયરા' નું ડરાવનારુ ટ્રેલર, એડવાન્સ ટેકનોલૉજીનો દેખાયો અસલી ચહેરો

'આયરા'નું ટ્રેલર જોઈને લાગે છે કે આ ફિલ્મ ડીપફેક્સ, AI અને એડવાન્સ ટેક્નોલોજીના દુરુપયોગના વિવિધ પાસાઓને હાઈલાઈટ કરશે

(તસવીર- સોશ્યલ મીડિયા પરથી)

IRaH Trailer: રોહિત રૉય સ્ટારર ફિલ્મ 'આયરા'નું ટ્રેલર રિલીઝ થઈ ગયું છે. આ ફિલ્મ AI ટેક્નોલોજીની ખતરનાક અસરો બતાવવા જઈ રહી છે, જેની કેટલીક ઝલક ટ્રેલરમાં સામે આવી છે. ટ્રેલરમાં શેરબજાર અને વ્યક્તિગત જીવન પર AI ટેક્નોલોજીની ભવિષ્યની એવી અસરો બતાવવામાં આવી છે જેની લોકોએ કલ્પના પણ નહીં કરી હોય.

'આયરા'નું ટ્રેલર જોઈને લાગે છે કે આ ફિલ્મ ડીપફેક્સ, AI અને એડવાન્સ ટેક્નોલોજીના દુરુપયોગના વિવિધ પાસાઓને હાઈલાઈટ કરશે. ફિલ્મમાં ડાર્ક વેબના ઘણા રહસ્યો ખુલશે. કેવી રીતે હેકર ડીપફેક અને ડાર્ક વેબ દ્વારા બિઝનેસમેન (રોહિત રૉય)નું અપહરણ કરે છે તે પણ ફિલ્મના ટ્રેલરમાં બતાવવામાં આવ્યું છે. તમને જણાવી દઈએ કે આયરા ફિલ્મના એક સોફ્ટવેરનું નામ છે. આ સોફ્ટવેર લોકોના ડીપફેક ક્લૉન બનાવે છે અને તેના દ્વારા ફિલ્મમાં AI કિંગ બનેલા રોહિત બોસ રોયને એક હેકર દ્વારા પકડી લેવામાં આવ્યો છે.

રૉનિત બૉસ રૉયે શેર કર્યુ આયરાનું ટ્રેલર 
ફિલ્મનું ટ્રેલર શેર કરતી વખતે રોનિત બોસ રોયે લખ્યું - 'તો આ રહ્યું. IRah નું ટ્રેલર!! આર્ટિફિશિયલ ઇન્ટેલિજન્સ આપણા ભવિષ્યનો ચોક્કસ ભાગ બની શકે છે. પરંતુ જો તે ખોટા હાથમાં જાય, તો સમગ્ર વિશ્વ જોખમમાં છે! ફિલ્મ મોટા પડદા પર રિલીઝ થશે - 04.04.24!

'આયરા'ની સ્ટાકકાસ્ટ 
સમ્રાટ ભટ્ટાચાર્ય દિગ્દર્શિત આયરા ફિલ્મમાં રોહિત બોસ રોય લીડ રોલમાં છે, જે એક બિઝનેસમેનનો રોલ કરી રહ્યો છે. તેની સાથે રાજેશ શર્મા, કરિશ્મા કોટક, અમિત ચના પણ મહત્વના રોલમાં જોવા મળશે. સસ્પેન્સ, ક્રાઈમ અને થ્રિલરથી ભરેલી આ ફિલ્મ 4 એપ્રિલે સિનેમાઘરોમાં રિલીઝ થશે.