Hun To Bolish : હું તો બોલીશ : અસલામતી કેમ?
Hun To Bolish : હું તો બોલીશ : અસલામતી કેમ?
વલસાડના પારડી તાલુકાનું મોતીવાડા ગામ... જ્યાં કોલેજમાં અભ્યાસ કરતી 19 વર્ષીય યુવતીની હત્યા કરી દેવાઈ....ગઈકાલે તે ટ્યૂશન ક્લાસીસમાં ગઈ હતી...પરત ફરતી વખતે તેની હત્યા કરી દેવાઈ...યુવતીના પરિવારજનોનો દાવો છે કે, પરત ફરતી વખતે યુવતી તેના મિત્ર સાથે ફોન પર વાત કરી રહી હતી... આ સમયે કોઈની સાથે બોલાચાલી થયાનો અવાજ આવ્યો અને ફોન કટ થઈ ગયો...યુવતીના મિત્રએ આ વાતની જાણ તેની બહેનને કરતાં તેણે ટ્યૂશનથી ઘરના રસ્તા સુધી શોધખોળ કરી..આ દરમિયાન અવાવરુ જગ્યાએ તેના ચપ્પલ દેખાયા... થોડે દૂર જાળીમાં યુવતી બેભાન હાલતમાં મળી આવી...તુરંત તેને હોસ્પિટલ ખસેડાઈ... જ્યાં તેને મૃત જાહેર કરાઈ...બનાવની જાણ પોલીસને થતાં પોલીસ પણ ઘટનાસ્થળે પહોંચી...FSLની મદદ લઈ પોલીસે તપાસ શરૂ કરી છે....પોલીસનું કહેવું છે કે, પોસ્ટમોર્ટમ રિપોર્ટમાં પ્રાથમિક તપાસમાં દુષ્કર્મ બાદ હત્યા કરી હોવાનું સામે આવ્યું છે...
અમદાવાદના બોપલ પાસેનું ગરોડીયા ગામ... જ્યાં એક NRIની હત્યા કરાયેલી હાલતમાં મૃતદેહ મળી આવ્યો...65 વર્ષીય દીપકભાઈ પટેલ અમેરિકામાં રહેતા હતા... 2 મહિના પહેલાં જ તેઓ અમદાવાદ આવ્યા હતા અને આ મહિનાના અંતમાં અમેરિકા પરત જવાના હતા...ગઈકાલે રાત્રે થોડી વારમાં આવું છું... તેમ કહીને ઘરેથી નીકળ્યા હતા... જો કે, મોડે સુધી પરત ન આવતા પત્નીએ અમેરિકા રહેતા સંતાનોને આ વાતની જાણ કરી...સંતાનોએ પિતાના આઈફોન મોબાઈલને ટ્રેક કરીને લોકેશન મેળવ્યું...પરિવારજનો સવારે 9 વાગ્યે લોકેશન પર પહોંચ્યા... તો દીપક પટેલનો માથું છૂંદાયેલી હાલતમાં મૃતદેહ મળી આવ્યો...માથાના ભાગે બોથડ પદાર્થ મારી દીપક પટેલની હત્યા કરી દેવાઈ હતી....મૃતક દીપક પટેલ જમીનદલાલ હતા... પોલીસનું માનવું છે કે, રૂપિયાની લેતીદેતીમાં તેમની હત્યા થઈ છે...
વડોદરાના ડેસરમાં માયા ટેકરી પાસે રહેતા ભીખાભાઈ પરમારની હત્યા કરી દેવામાં આવી....11 નવેમ્બરે ભીખાભાઈ પરમાર ગુમ થઈ ગયા હતા....પરિવારે શોધખોળ હાથ ધરી તો હીરુ તલાવડી પાસેથી તેમનો મૃતદેહ મળ્યો...ભીખાભાઈની હત્યા કરી તેમના શરીરના બે ભાગ જૂદા કરી ફેંકી દેવામાં આવ્યા હતા...ભીખાભાઈ ખેત મજૂરી કરી પોતાના પરિવાર સાથે જીવન ગુજારતા હતા....હાલ પોલીસે હત્યા કોણે કરી છે, કારણ શું છે તે જાણવા ડોગ સ્કવોડની મદદથી તપાસ શરૂ કરી છે...
ભાવનગરના શિહોર તાલુકાના ટોડી ગામે વિક્રમભાઈ વાઘેલા નામના વ્યક્તિ પર જીવલેણ હુમલો કરતા તેમનું મૃત્યુ થયું....પોલીસે અશોક બલિયા નામના આરોપીની સોનગઢથી ધરપકડ કરી...આરોપી અશોક બલિયાએ પોતાનો પ્લોટ મૃતક વિક્રમભાઈને વેચ્યો હતો... જો કે, બાદમાં પ્લોટ પરત માગી ઝઘડો કર્યો....આરોપીએ વિક્રમભાઈના માથાના ભાગે બોથડ પદાર્થ મારતા તેમનું સારવાર દરમિયાન મૃત્યુ થયું...
સુરતનો પાંડેસરા વિસ્તાર... જ્યાં 2 દિવસ પહેલા ફટાકડા ફોડવા મુદ્દે થયેલી તકરારમાં એક યુવકની હત્યા કરી દેવાઈ..પોલીસે એક સગીર 3 આરોપીને ઝડપી લીધા છે...ફટાકડા ફોડવા મુદ્દે લવકુશ નામના યુવકને આરોપીઓ સાથે તકરાર થઈ...આરોપીઓએ લવકુશને માર માર્યો... આ સમયે 22 વર્ષીય પ્રદ્યુમન નામનો યુવક વચ્ચે પડ્યો...બાદમાં આરોપીઓએ પ્રદ્યુમનને છરીના ઘા મારી હત્યા કરી નાખી....પોલીસે સૂરજ શાહ અને આકાશ શર્મા સહિત 3 આરોપીની ધરપકડ કરી....
ટોપ સ્ટોરી
ટ્રેન્ડિંગ સમાચાર
