આગામી 15મી ફેબ્રુઆરીએ અમિતાભ બચ્ચન રચશે આ ઈતિહાસ, યાદ કરીને થયા ભાવુક

મુંબઈઃ સદીના મહાનાયક અમિતાભ બચ્ચન આગામી 15 ફેબ્રુઆરીએ ફિલ્મ ઇન્ડસ્ટ્રીઝમાં 50 વર્ષ પૂરા કરી લેશે. તેના માટે ભારતીય ફિલ્મી દુનિયામાં આ એક મોટી ઉપલબ્ધી હશે જેને વિશે વાત કરતાં બિગ બી ભાવુક થઈ ગયા હતા.

રિપોર્ટ મુજબ અમિતાભ બચ્ચને ગુરૂવારે બમન ઈરાનીના પ્રોડક્શન હાઉસના લોન્ચિંગમાં હાજરી આપી હતી. આ પ્રસંગે બમનની પત્નીએ મહાનાયક અમિતાભ બચ્ચનને એક શાલ ઓઢાવી હતી. જે એક પશમીના શાલ હતી અને જેના પર ભારતની કેટલીક ભાષાઓમાં કઇંક લખેલું હતું. આ શાલ પહેરીને બિગ બીએ ખુલાસો કર્યો છે 15મી ફેબ્રુઆરીના દિવસે તેમને ફિલ્મ ઈન્ડસ્ટ્રીમાં 50 વર્ષ પૂરા થઈ જશે અને તે માટે જ આ શાલ તેમને ભેટમાં મળી છે.