Shahrukh Khan એ કર્યું એવુ ટ્વિટ કે મન્નતની બહાર ડિનર લઈને પહોંચી સ્વીગીની ટીમ, તસવીર વાયરલ
શાહરૂખ ખાનના ટ્વિટર હેન્ડલ પર ચિટ-ચેટ સેશન્સ ખૂબ જ રસપ્રદ હોય છે. સોમવારે પણ SRKએ તેના ચાહકો સાથે ચિટ-ચેટ સેશન કર્યું હતું.
Shahrukh Khan AskSrk: શાહરૂખ ખાનના ટ્વિટર હેન્ડલ પર ચિટ-ચેટ સેશન્સ ખૂબ જ રસપ્રદ હોય છે. સોમવારે પણ SRKએ તેના ચાહકો સાથે ચિટ-ચેટ સેશન કર્યું હતું. 15 મિનિટના ફ્રી ટાઈમમાં શાહરૂખે તેના ફેન્સના અનેક સવાલોના જવાબ આપ્યા. આ સ્થિતિમાં ચાહકોએ તેની ખાવાની આદતોથી લઈને તેના અંગત જીવન સુધી ઘણા બધા પ્રશ્નો પૂછ્યા. જેનો જવાબ SRKએ ખૂબ જ રસપ્રદ રીતે આપ્યા. શાહરુખે એક ફેન સાથે એવી વાતચીત કરી કે ફૂડ ડિલિવરી એપ સ્વીગીની ટીમ શાહરુખ માટે ડિનર લઈને તેના ઘર મન્નત પર પહોંચી. હવે શાહરૂખના ઘરની બહાર 7 ડિલિવરી બોયની તસવીર સોશિયલ મીડિયા પર વાયરલ થઈ રહી છે.
શાહરૂખ ખાને ફેન્સને પૂછ્યું કે તમે સ્વિગીમાંથી છો ?
શાહરૂખ ખાન તેના ચાહકોના દરેક સવાલના જવાબ ખૂબ જ ફની રીતે આપે છે. હવે જ્યારે શાહરૂખે સોમવારે 'આસ્ક મી એનિથિંગ' સેશનનું આયોજન કર્યું ત્યારે એક ચાહકે તેને પૂછ્યું, 'ખાના ખાયા ક્યા ભાઈ ?' જેના પર શાહરૂખે જવાબ આપ્યો, "ક્યૂં ભાઈ આપ સ્વિગી સે હો...ભેજ દોગે ક્યા ?" આ પછી શું હતું, સ્વીગીએ પણ આ તકનો લાભ ઉઠાવ્યો અને લખ્યું, 'અમે સ્વીગીમાંથી છીએ, મોકલી દઈએ ?
Kyun bhai aap Swiggy se ho….bhej doge kya?? https://t.co/Jskh69QEqc
— Shah Rukh Khan (@iamsrk) June 12, 2023
સ્વીગીની ટીમ શાહરૂખના ઘરે પહોંચી હતી
આના થોડા સમય બાદ સ્વીગીના ટ્વિટર હેન્ડલ પર એક તસવીર પોસ્ટ કરવામાં આવી હતી. જેમાં સાત ડિલિવરી બોય શાહરુખ ખાનના ઘર મન્નતની બહાર ફૂડ લઈ જતા જોવા મળ્યા હતા. આ તસવીર પર કેપ્શન આપવામાં આવ્યું છે, 'હમ સ્વિગી વાલે હૈ હમ ડિનર લેકર આ ગયે'.
hum swiggy wale hai aur hum dinner leke aagaye 🥰 https://t.co/iMFJcYjUVm pic.twitter.com/swKvsEZYhC
— Swiggy (@Swiggy) June 12, 2023
ચાહકોને આપી ફિલ્મ જવાનની જાણકારી
આ લાઈવ સેશનમાં બોલીવૂડ અભિનેતા શાહરૂખના તમામ ચાહકો તેની આગામી ફિલ્મ જવાનને લઈને ઉત્સાહ દર્શાવતા જોવા મળ્યા હતા. આ દરમિયાન શાહરૂખ ખાને એમ પણ કહ્યું હતું કે ચાહકો 7 સપ્ટેમ્બરે નજીકના સિનેમા હોલમાં જવાનને જોઈ શકે છે. પઠાણ બાદ હવે ફેન્સ શાહરૂખ ખાનની આગામી ફિલ્મની આતુરતાથી રાહ જોઈ રહ્યા છે.
ટ્રેન્ડિંગ સમાચાર
ટોપ સ્ટોરી
