'મે SRK ની ફિલ્મ જોવા માટે બ્લેકમાં ટિકિટ ખરીદી હતી' જાણો ક્યા અભિનેતાએ કહી આ વાત
વર્ષ 1992માં ફિલ્મ 'દીવાના'થી બોલિવૂડમાં એન્ટ્રી કરનાર શાહરૂખ ખાન છેલ્લા ત્રીસ વર્ષથી ફિલ્મ ઈન્ડસ્ટ્રી પર રાજ કરી રહ્યો છે.
Shah Rukh Khan Biggest Fan Of Bollywood: વર્ષ 1992માં ફિલ્મ 'દીવાના'થી બોલિવૂડમાં એન્ટ્રી કરનાર શાહરૂખ ખાન છેલ્લા ત્રીસ વર્ષથી ફિલ્મ ઈન્ડસ્ટ્રી પર રાજ કરી રહ્યો છે. શાહરૂખને જોવા માટે તેના ચાહકોનું દિલ બેચેન રહે છે અને તેના કરોડો ચાહકોની યાદીમાં ફિલ્મ જગતના એક ખૂબ જ દમદાર અભિનેતાનું નામ પણ સામેલ છે, જેણે તાજેતરમાં જ શાહરૂખ સાથેની તેની પ્રથમ મુલાકાતની યાદો શેર કરી હતી.
શાહરૂખના એ મહાન ચાહકનું નામ છે આયુષ્માન ખુરાના. હકીકતમાં, હાલમાં જ રિલીઝ થયેલી તેની 'એન એક્શન હીરો'ના પ્રમોશન દરમિયાન, આયુષ્માન શાહરૂખ ખાનના ઘર મન્નતની બહાર આવ્યો હતો. મન્નતની બહાર અભિનેતાની ઘણી તસવીરો વાયરલ થઈ હતી અને આ દરમિયાન આયુષ્માને ઈન્ડિયા ટુડે શાહરૂખ સાથેની તેની પ્રથમ મુલાકાત વિશે વાત કરતા કહ્યું હતું કે 'હું જ્યારે શાહરૂખ ખાનને પહેલીવાર મળ્યો ત્યારે હું રેડિયો જોકી હતો. હું રેડિયો બાઈટ માટે તેને મળવા ગયો હતો પરંતુ તે એક એડના શૂટિંગમાં વ્યસ્ત હતો. હું તેને જોઈને એટલો ખુશ થયો કે હું તેને જોઈ રહ્યો હતો. મને ચા-પાણી આપવામાં આવ્યા અને કહ્યું કે સાહેબ અત્યારે વ્યસ્ત છે.
View this post on Instagram
પોતાની વાત ચાલુ રાખતા આયુષ્માન ખુરાનાએ વધુમાં કહ્યું કે 'હું તે સમયે શાહરુખને મળ્યો નહોતો પરંતુ થોડા સમય પછી જ્યારે હું ટીવી એન્કર બન્યો અને તે તેની ફિલ્મ 'માય નેમ ઈઝ ખાન'ના પ્રમોશન માટે સ્ટેજ પર આવ્યો તો મેં તેને જોઈને જે ખુશીનો અનુભવ થયો તે શબ્દોમાં બતાવી શકુ તેમ નથી. હું ટેલિપ્રોમ્પ્ટરની મદદથી તેમને સવાલે પૂછી રહ્યો હતો અને આ એવી ફિલિંગ હતી તે જ્યારે મેં તેની ફિલ્મ જોવા માટે બ્લેકમાં ટિકિટ ખરીદી હતી કારણ કે હું બાળપણથી જ તેનો મોટો ચાહક છું.
તમને જણાવી દઈએ કે તેની ફિલ્મ 'એન એક્શન હીરો'ના પ્રમોશન દરમિયાન, આયુષ્માન ખુરાના મન્નતની બહાર શાહરૂખ ખાનના ઘરે રોકાયો હતો અને તેની કાર પણ પાર્ક કરી હતી. આયુષ્માનની ફિલ્મ 'એન એક્શન હીરો' 2 ડિસેમ્બરે ફિલ્મી પડદે રિલીઝ થઈ છે.
ટ્રેન્ડિંગ સમાચાર
ટોપ સ્ટોરી
