Film Updates: બૉલીવુડની બે કૉમેડી ફિલ્મોની આવી રહી છે ત્રીજી સિઝન, જાણો ડિટેલ્સ.....

જાણકારી અનુસાર, હેરાફેરીના નિર્માતાઓએ ત્રીજો ભાગ શરુ કરવાની તૈયારી આદરી છે. મોટાભાગે અક્ષય કુમાર, પરેશ રાવલ તથા સુનિલ શેટ્ટીની ત્રિપુટીને જ જ રિપીટ કરાય તેવી સંભાવના છે.

ફાઇલ તસવીર

Hera Pheri 3 & Welcome 3: બૉલીવુડ ફિલ્મોમાં 'હેરાફેરી' અને 'વેલકમ' હિટ ફિલ્મ સીરીઝમાંની એક છે. બન્નેના બે-બે પાર્ટ રિલીઝ થઇ ચૂક્યા છે, અને ફેન્સને આના ત્રીજા ભાગોનો પણ બેસબ્રીથી ઇન્તજાર હતો, હવે આ ફેન્સ માટે એક ખુશખબર સામે આવી છે. 'હેરાફેરી' અને 'વેલકમ'ના ત્રીજા ભાગને જલદી રિલીઝ થવાની વાત સામે આવી છે. 

'હેરાફેરી'માં અક્ષય કુમર, સુનીલ શેટ્ટી અને પરેશ રાવલ જોવા મળ્યા હતા, તો વળી 'વેલકમ'માં અનિલ કપૂર અને નાના પાટેકરે ગેન્ગસ્ટર બનીને લોકોના દિલ જીતી લીધા હતા. હવે બન્ને ફિલ્મોના ત્રીજા ભાગ સાથે જોડાયેલુ અપડેટ સામે આવ્યુ છે. 

જાણકારી અનુસાર, હેરાફેરીના નિર્માતાઓએ ત્રીજો ભાગ શરુ કરવાની તૈયારી આદરી છે. મોટાભાગે અક્ષય કુમાર, પરેશ રાવલ તથા સુનિલ શેટ્ટીની ત્રિપુટીને જ જ રિપીટ કરાય તેવી સંભાવના છે. પરેશ રાવલનું બાબુ ભૈયાનું કેરેક્ટર એક કલ્ટ ક્લાસિક કેરેકટર બની ચૂક્યું છે અને તેને લગતાં મીમ્સ પણ સોશિયલ મીડિયા પર સતત વાયરલ થતાં રહે છે. આથી આ પાત્રને ફરી સજીવન કરવા પ્રયાસ થઈ રહ્યા છે. 

બીજી તરફ અનિલ કપૂર અને નાના પાટેકરને વેલકમ થ્રીમાં સાથે લાવવા પ્રયાસ થઈ રહ્યા છે. આ ફિલ્મના કેટલાય ડાયલોગ તથા સિચ્યુએશનની ક્લિપ  પણ આજની તારીખે ઈન્ટરનેટ પર વાયરલ છે. જોકે, નિર્માતાઓએ ફિરોઝ ખાનનો કોઈ વિકલ્પ વિચારવો પડશે. હેરાફેરી માં પ્રિયદર્શનનાં દિગ્દર્શનની પણ કમાલ હતી. જોકે, હવે તેમનું સ્થાન કોઈ અન્ય દિગ્દર્શક લઈ શકે છે.

આ પણ વાંચો............