કેનેડામાં કાફે પર હુમલા બાદ કપિલ શર્માએ આપી પહેલી પ્રતિક્રિયા, જાણો કોમેડિયને શું કર્યો હુંકાર
Kaps Cafe Firing: કેપ્સ કાફેમાં ગોળીબાર બાદ પહેલી વાર કપિલ શર્માની ટીમ તરફથી પ્રતિક્રિયા આવી છે. ઇન્સ્ટા પર કરેલી પોસ્ટમાં લખ્યું છે કે અમે આ આઘાતમાંથી બહાર આવી રહ્યા છીએ, પણ અમે હાર માનવાના નથી.
Kaps Cafe Firing: લોકપ્રિય હાસ્ય કલાકાર અને અભિનેતા કપિલ શર્માએ તાજેતરમાં કેનેડામાં પોતાનું KAP'S CAFE ખોલ્યું. બુધવારે રાત્રે, બ્રિટિશ કોલંબિયાના સરેમાં કપિલ શર્માના કાફે પર અનેક રાઉન્ડ ગોળીબાર કરવામાં આવ્યો. ખાલિસ્તાની ઉગ્રવાદીઓ દ્વારા કરવામાં આવેલા આ હુમલા બાદ, કપિલ શર્માના કાફેએ શુક્રવારે પહેલીવાર તેના પર પ્રતિક્રિયા આપી અને કહ્યું કે તેઓ હાર માનશે નહીં અને હિંસાનો વિરોધ કરે છે.
કપિલ શર્માના કાફેએ હુમલા પર પ્રતિક્રિયા આપી
કપિલ શર્માના કાફેએ ઇન્સ્ટા સ્ટોરી પર આ હુમલા પર પ્રતિક્રિયા આપતા બે પોસ્ટ શેર કરી છે. પોસ્ટમાં લખ્યું છે કે, "અમે સ્વાદિષ્ટ કોફી અને મૈત્રીપૂર્ણ વાતચીત દ્વારા કોમ્યુનિટી, હૂંફ અને ખુશી લાવવાની આશા સાથે કપ્સ કાફે ખોલ્યું. તે સપના સાથે હિંસાનો ટતરાવ હૃદયદ્રાવક છે. અમે આ આઘાતમાંથી બહાર આવી રહ્યા છીએ, પરંતુ હાર માનવાના નથી.
View this post on Instagram
નિવેદનમાં આગળ કહેવામાં આવ્યું છે કે, "DM દ્વારા શેર કરાયેલા તમારા દયાળુ શબ્દો અને યાદોનો અર્થ તમે કલ્પના કરી શકો તેના કરતાં વધુ છે. આ કાફે અહીં અમે સાથે મળીને બનાવી રહ્યા છીએ તે કાફેમાં તમારા વિશ્વાસને કારણે છે. ચાલો હિંસા સામે મજબૂત રીતે ઊભા રહીએ અને ખાતરી કરીએ કે કેપ્સ કાફે હૂંફ અને સમુદાયનું સ્થળ રહે." કેપ્સ કાફે ખાતે અમારા બધા તરફથી, આભાર અને ટૂંક સમયમાં મળીશું. અંડર બેટર સ્કાય.
કેપ્સ કાફે ગોળીબારની ઘટના
સરેમાં કપિલ શર્માના કેપ્સ કાફેની બહાર સ્થાનિક સમય મુજબ સવારે 1:50 વાગ્યે અનેક ગોળીબાર કરવામાં આવ્યા હતા. સરે પોલીસના જણાવ્યા અનુસાર, ગોળીબાર સમયે કેફેના કેટલાક કર્મચારીઓ રેસ્ટોરન્ટની અંદર હાજર હતા. આ અઠવાડિયાની શરૂઆતમાં કેફે ખુલ્યા પછી ગોળીબાર થયો હતો. સરે કાફેની બારીઓમાં લગભગ 10 ગોળીઓના નિશાન જોવા મળ્યા હતા.
આ બાબતની તપાસ ચાલી રહી છે
મીડિયા અહેવાલો અનુસાર, આ ગોળીબારમાં ખાલિસ્તાની અલગતાવાદી સામેલ હોવાનું કહેવાય છે. જો કે, સરે પોલીસના પ્રવક્તા સ્ટાફ સાર્જન્ટ લિન્ડસે હ્યુટનના જણાવ્યા અનુસાર, તપાસ ચાલુ છે અને "પ્રારંભિક તબક્કામાં" છે. "અન્ય ઘટનાઓ અને સંભવિત જોડાણોની કડીઓની તપાસ કરવામાં આવી રહી છે. એકવાર તે થઈ જાય, પછી અમને શું થયું તેનો વધુ સારો ખ્યાલ આવશે," હ્યુટનએ કહ્યું.
ટોપ સ્ટોરી
ટ્રેન્ડિંગ સમાચાર
