Nawazuddin : નવાઝુદ્દીન સિદ્દીકી વિરૂદ્ધ ષડયંત્ર? નોકરાણી કેસમાં ગજબનો યુ-ટર્ન

નવાઝુદ્દીન સિદ્દીકીની નોકરાણીએ એક વીડિયો દ્વારા આ વાત કહેતા વિવાદ સર્જાયો હતો

Sapana Robin

Nawazuddin’s House Help : છેલા કેટલાક સમયથી અભિનય ક્ષેત્રે ધુમ મચાવનાર અભિનેતા નવાઝુદ્દીન સિદ્ધીકી વિવાદમાં સપડાયેલો રહે છે. પહેલા પત્નીને લઈને તો ફરી તેની નોકરાણીને લઈને. તેની નોકરાણીએ તાજેતરમાં જ આરોપ લગાવ્યો હતો કે અભિનેતાએ તેને દુબઈમાં રઝળતી છોડી દીધી છે. નવાઝુદ્દીન સિદ્દીકીની નોકરાણીએ એક વીડિયો દ્વારા આ વાત કહેતા વિવાદ સર્જાયો હતો અને અભિનતાની ટિકા થઈ હતી. પરંતુ હવે આ ઘટનામાં યુ-ટર્ન આવ્યો છે. 

હાઉસ હેલ્પ સપના રોબિને કહ્યું હતું કે, તેની પાસે ખાવા માટે પણ કંઈ નથી. ત્યારબાદ નવાઝુદ્દીનની પત્ની આલિયાના વકીલ પણ નોકરાણીને લઈને સતત ટ્વીટ કરી રહ્યા હતાં. આ તમામ વિવાદો વચ્ચે સપના રોબિનનો એક નવો વીડિયો સામે આવ્યો છે જેમાં તેણે કહ્યું કે જે થયું તે યોગ્ય નથી. કલાકારો ખૂબ સારા છે. તેણી માફી માંગે છે. તેમજ તેણે પોતાના તમામ આરોપો પાછા ખેંચી લીધા છે.

નવાઝુદ્દીનની નોકરાણીએ હવે નવા વીડિયોમાં કહ્યું છે કે, હું હાથ જોડીને નવાઝ સરની માફી માંગુ છું. આમ તો હું માફીને લાયક નથી. મેં જે પણ કર્યું તે કોઈના દબાણમાં આવીને કર્યું. હું નથી ઈચ્છતો કે તમારી સાથે કંઈ ખોટું થાય. તમે ખૂબ જ સારા વ્યક્તિ છો. જે પણ થયું તેના માટે હું માફી માંગુ છું. તમે સોશિયલ મીડિયા પર જે પણ વીડિયો જોયો તે તદ્દન ખોટો હતો. અનુપ ભૈયા સાથે વાત કરી હતી. ત્યારે મેડમ દ્વારા તમારા પર જે આક્ષેપો કરવામાં આવ્યા છે તે ખોટો કેસ છે. હું તમને એટલું જ કહું છું કે તમે ઘરે પાછા ફરો.

નવાઝુદ્દીન સિદ્દીકીની પત્ની આલિયાએ કર્યો દાવો

આ અગાઉ નવાઝુદ્દીન સિદ્દીકીની પત્ની આલિયાનો મામલો કોર્ટમાં પહોંચ્યો છે. તેના વકીલ રિઝવાન સિદ્દીકીએ આરોપ લગાવ્યો હતો કે, કેટલાક લોકો સપનાને ધમકાવી રહ્યા છે. તેઓ મને કહી રહ્યા છે કે, બધા પૈસા અને કામ આપશે પરંતુ અભિનેતા વિરુદ્ધ કંઈ પણ ના બોલવુ. તેણે ટ્વીટમાં એવો પણ દાવો કર્યો હતો કે, અભિનેતાના સચિવ અનુપ સપનાને ધમકી આપી રહ્યા છે.

નવાઝુદ્દીન સિદ્દીકીની નોકરાણીએ રડતા રડતા કહી આ વાત 

ઉલ્લેખનીય છે કે, થોડા દિવસો પહેલા નવાઝુદ્દીન સિદ્દીકીની નોકરાણીએ રડતો એક વીડિયો શેર કર્યો હતો. જ્યાં તેણી કહે છે કે નવાઝે તેને દુબઈમાં એકલી છોડી દીધી હતી. અહીં ખાવા-પીવાની કોઈ વ્યવસ્થા નથી. મારી પાસે પૈસા નથી. હું વિનંતી કરું છું કે, મને અહીંથી બહાર કાઢો અને મારો પગાર નક્કી કરો. હું મારા ઘર પાછા ભારત જવા માંગુ છું. મને ટિકિટના પૈસા અને પગાર પણ આપો.

નવાઝુદ્દીન સિદ્દીકી અને તેની પત્નીની લડાઈ કોર્ટ સુધી પહોંચી 

નવાઝુદ્દીન સિદ્દીકીની પત્ની આલિયા સિદ્દીકીએ પણ અભિનેતા પર ગંભીર આરોપ લગાવ્યા હતાં. તેણીએ તેના સાસરિયાઓ પર શોષણ અને ઘરેલુ હિંસાનો આરોપ લગાવ્યો હતો. જ્યારે આલિયાની સાસુએ પણ તેના પર ઘણા આરોપો લગાવ્યા અને પોલીસમાં કેસ નોંધાવ્યો હતો.